منځپانګې ته تلل
شنبه ۲۱ نومبر ۲۰۲۶ · کابل ۱۲:۱۶ غ.م
۵°صاف · ↑۱۴° ↓۳°د هوا کیفیت: منځنی
برخه

فيچرونه

۳،۸۴۸ راپورونه

راپورونه

د «زرغون راتلونکي» کمپاین؛ دایکنډي کې د غرونو د ځنګلونو او څرځایونو د بیا احیا لپاره د یوه ځوان هڅې

په داسې حال کې چې د اقلیمي بدلونونو او نه پاملرنې له امله د دایکنډي د غرونو ځنګلونه او څرځایونه له منځه تللي او وچ شوي، خو په دغه ولایت کې د چاپېریال‌ساتنې برخې یوه فعال د «زرغون راتلونکي» تر نامه لاندې کمپاین پیل کړی او هڅه کوي دغه غرونه بېرته زرغونه کړي.

سمنګان کې یو شمېر بزګران: د انجې بیې د پام وړ ټيټېدو زیانمن کړي یو

سمنګان کې یو شمېر بزګران وايي چې سږ کال د انجې لپاره د مناسب بازار نشتوالي او د هغې د بیې د پام وړ ټیټوالي دوی زیانمن کړي او ټینګار کوي چې د حکومت او ملي سوداګرو د نه پاملرنې په صورت کې به د دوی څو کلن زحمتونه پر اوبو لاهو شي.

افغانستان کې د بېکارۍ لوړه کچه؛ خلک د کاري فرصتونو غوښتنه کوي

د نړۍوال بانک د معلوماتو له مخې، افغانستان په ۲۰۲۴ کال کې د بېکارۍ د لوړې کچې درلودونکو هېوادونو منځ کې یوویشتم ځای کې دی. ښاریان د کاري فرصتونو غوښتنه کوي، کارپوهان وايي، د بېکارۍ د ستونزې هواري لپاره باید بنسټیز اقدامات وشي او د کار او ټولنیزو چارو وزارت په دې برخه کې د خپلو هڅو په اړه خبر ورکوي.

  فابریکو کې د تولیدېدونکي یخي کیفیت؛ د خلکو اندېښنې او د عامې روغتیا وزارت ارزونه

د اوړي په ګرمو شپو ورځو کې په داسې حال کې چې ډېری کورنۍ او هټۍوال په فابریکو کې له تولید شوي یخي استفاده کوي خو د دغه یخي د کیفیت او خوندیتوب په اړه ځینې اندېښنې هم شتون لري؛ مسوولین وايي، په کابل کې د یخي د تولید په ډېرو فابریکو کې له زنګ وهلو قالبونو او غیرمعیاري وسایلو کار اخیستل کېږي.

د څاڅکي اوبولګولو سیسټم؛ په لږو اوبو د ډېرو ځمکو خړوبولو اغېزناکه لار

د چارو پوهان او تجربه‌لرونکي کروندګر وایي، په لږو اوبو د ډېرو ځمکو خړوبولو لپاره باید د څاڅکي اوبولګولو سیسټم عام شي او حکومت او مرستندویه موسسې دې په دې برخه کې کروندګرو ته د عامه پوهاوي ورکولو ترڅنګ له هغوی سره اړینې مرستې وکړي.

د اهل هنودو استازی: پر اوسني امنیتي وضعیت خوښ یو، د خپلو ملکیتونو د استرداد غوښتنه کوو

په افغانستان کې د هندوانو یو استازی د دې په څرګندولو سره چې د تېر په پرتله یې اوس «ژوند ښه او امن شوی»، د اهل هنودو او سیکانو د غصب شوو ملکیتونو د استرداد غوښتنه کوي؛ خو د ا.ا ویاند د هغوی له حقونو د ملاتړ ترڅنګ وايي، د دې ډول ستونزو د شتون په صورت کې اړوندو مراجعو ته په مراجعې سره به «ځانګړې همکاري» وشي.

نیمروز کې له لمریزې برېښنا استفاده ډېره شوې ده

په نیمروز کې سیمه‌ییزې سرچینې وايي چې په دغه ولایت کې له لمریزې برېښنا استفاده ډېره شوې ده. له بلې خوا، کارپوهان وايي چې نیمروز د لمریزې برېښنا د تولید لوړ ظرفیت لري او چارواکي باید دې برخې ته جدي پاملرنه وکړي.

د وچکالیو له امله د اوبو کمېدو د میدان‌وردګو د جغتو ولسوالۍ خلک له ستونزو سره مخ کړي

د میدان‌وردګو ولایت د جغتو ولسوالۍ یو شمېر اوسېدونکي او کروندګر وایي، د وچکالۍ له امله یې کښتونه وچ او زیانمن شوي او له حکومته غوښتنه کوي چې د دې ستونزې د حل په موخه دې بندونه ورته جوړ کړي.

نجونې د ښوونځیو او پوهنتونونو د بیا پرانستې غوښتنه کوي

د اسلامي امارت د بیاواکمنېدو د څلورمې کالیزې په درشل کې یو شمېر نجونې غوښتنه کوي چې اسلامي امارت دې د خپل حاکمیت پر پنځم کال له شریعت سره سم نجونو ته له شپږم ټولګي پورته ښوونځیو او پوهنتونونو ته د تګ اجازه ورکړي.

د هغو ښځو کیسې چې له ایرانه تر راستنېدو وروسته یې شبرغان کې نوی ژوند پیل کړی

د جوزجان په مرکز شبرغان ښار کې یوې ښځې د خیاطۍ کارګاه په جوړولو له ایرانه لسګونه راستنو شوو ښځو ته د کار زمینه برابره کړې ده. هغه وايي، د ملاتړ په صورت کې به خپل کاروبار ته پراختیا ورکړي او ډېر شمېر ښځې به په کار وګوماري.

دایکنډي کې یو شمېر نجونو د اپلېکېشنونو له لارې بېلابېل مهارتونه زده کړي

د دایکنډي په لرو پرتو سیمو کې چې انټرنېټي خدمتونه او ښوونیز امکانات محدود دي، یو شمېر نجونو او ښځو د بېلابېلو ښوونیزو اپلېکېشنونو په کارونې سره تازه او نوي مهارتونه زده کړي او د خپل علمي او مسلکي پرمختګ لپاره یې نوې لارې پرانیستې دي.

ډاکټران: د هوا له ډېرې ګرمېدو سره کابل ښار کې د اسهال ناروغي ډېره شوې

ډاکټران وايي، د هوا له ډېرې ګرمېدو سره په کابل ښار کې انتاني ناروغۍ، په ځانګړې توګه اسهالات ډېر شوي؛ هغوی له ښاریانو غواړي چې د شخصي او چاپېریالي حفظ الصحې رعایتولو ترڅنګ دې له شپې د پاتې خوړو له استفادې ډډه وکړي.

پر خبرداریو سربېره لا هم پلاستیکي کڅوړې په پراخه کچه کارول کېږي

د پلاستیکي کڅوړو د خطرونو په اړه د خبرداریو او پر وارداتو یې د بندیز سربېره لا هم په بازارونو کې د دغو کڅوړو کارونه په پراخه کچه دوام لري او کارپوهانو یو ځل بیا پر دغو کڅوړو د بشپړ بندیز او په اړه یې د عامه پوهاوي پر اړتیا ټینګار کړی دی.

اسرار کابل ښار کې هغه نجلۍ چې معلولیت یې د پرمختګ پر وړاندې خنډ نه شو

کابل ښار کې د اسرار پارسا په نوم یوه نجلۍ چې په دوه کلنۍ کې ګوزڼ وهلې او کیڼه پښه یې فلج ده، په لېوالتیا او قوي اراده د مصنوعي ځیرکتیا اړوند پر څو پروژو کار کوي او هیله‌ لري څو د نوښتونو او ټکنالوجۍ برخې نړۍوالو سیالیو کې ګډون وکړي.

فرزانه مراد: په هڅو او باور سره کولای شو ستونزې هم په فرصت بدلې کړو

د سمنګان په مرکز ایبک ښار کې ۲۳ کلنه فرزانه مراد چې د خیاطۍ او لاسي صنایعو د یوې کارګاه په رامنځته کولو یې  یو شمېر نورو ښځو او نجونو ته د زده‌کړو او‌ کار زمینه برابره کړې، پر دې باور ده چې د هڅو، زغم او نوښت له لارې کولای شو محدویتونه د ځان لپاره په فرصت بدل کړو.

د هرات د لرو پرتو سیمو یو شمېر اوسېدونکي: ناروغان په ډېر لګښت لرو روغتیايي مرکزونو ته لېږدوو

د هرات د یو شمېر ولسوالیو د لرو پرتو سیمو اوسېدونکي وايي، روغتیايي خدمتونو ته نږدې لاسرسی نه لري او ناروغان د درملنې لپاره په اوږدو لارو او ډېر لګښت تر روغتيايي مرکزونو لېږدوي او زیاتوي چې حکومت باید د دوی دې ستونزې رسېدنه وکړي.

نور راپورونه