روغتیا

د ننګرهار د عامې روغتیا ریاست وایي چې په تورخم ښارګوټي کې د راستنېدونکو کډوالو د درملنې لپاره د یو ۲۰ بستریز روغتون په ګډون، ۱۲ روغتیايي مرکزونه فعال دي.

د ننګرهار د عامې روغتیا ریاست وایي چې د دغه ولایت په «ختیځ روغتیايي کمپلېکس» کې د ۲۷ میلیون افغانیو په لګښت یو لابراتوار جوړ او ګټې اخیستنې ته وسپارل شو.

د عامې روغتیا وزارت سرپرست وايي، دوو نړۍوالو مرسته‌رسوونکو بنسټونو له افغانستان سره د تاریخ‌تېر او بې‌کیفیته سوپرسیریل او درملو مرسته کړې، هغه له یادو بنسټونو غواړي چې خپلې مرستې له دغه وزارت سره په همغږي او شفاف ډول وکړي.

د عامې روغتیا وزارت سرپرست په کابل کې د ایران له سفیر سره د سرطاني ناروغیو برخې روغتیايي کارکوونکو د ظرفیت لوړونې، د اړینو طبي تجهیزاتو برابرولو، د کابل په افشار ساحه او بامیان ولایت کې د جوړېدونکو روغتونونو څرنګوالي په اړه خبرې کړې دي.

د هلمند د عامې روغتیا مسوولین وایي، د دغه ولایت په سنګین او کجکي ولسوالیو کې د ۳۶ میلیونه افغانیو په لګښت شپږ روغتیايي مرکزونه جوړ او ګټې اخیستنې ته سپارل شوي دي.

د لغمان سیمه‌ییز مسوولین وایي چې د ژغورنې نړۍوالې کمېټې (ای‌ارسي) په مالي ملاتړ د دغه ولایت د عامې روغتیا له ریاست سره د ۸۳ زره امریکايي ډالرو په ارزښت د درملو او طبي وسایلو مرسته وشوه.

کابل ښار کې د نسايي ولادي برخې یوه ډاکټره نجم‌السما شفاجو چې د ښځو لپاره د ځانګړي روغتون په جوړولو سره یې لسګونو نورو ښځو ته د کار زمینه برابره کړې، په روغتیايي برخه کې د نسايي ولادي ډاکټرانو کمښت یوه جدي ستونزه یادوي او وايي چې هر څوک باید د روغتیايي ستونزو د حل برخه کې هڅه وکړي.

د لغمان د کرنې ریاست مسوولین وایي، قرغیو ولسوالۍ کې یې د کانګو «وينه بهوونکې» ساري ناروغۍ دوه مثبتې پېښې ثبت کړې دي.

د غزني د عامې روغتیا ریاست مسوولین وایي، د دغه ولایت په ځینو سیمو کې سلګونه داسې کورنۍ لا هم شته چې خپلو ماشومانو ته د ګوزڼ (پولیو) ضد واکسین له ورکولو ډډه کوي.

له پولیو سره د مبارزې د کمپاین دفتر وايي چې سبا په افغانستان کې د ګوزڼ (پولیو) واکسین کمپیاین پیلېږي.

د دایکنډي د عامې روغتیا ریاست مسوولینو له نري‌رنځ سره د مبارزې نړی‌والې ورځې په نمانځغونډه او عامه پوهاوي پروګرام کې وویل چې تېر زېږدیز کال ۷۸۰ تنه پر دې ناروغۍ اخته شوي.

د لوګر ولایتي روغتون کې د ملي دفاع وزارت د طبي علومو اکاډمۍ په ملاتړ د اورتوپيدي ځانګړې څانګه پرانیستل شوه.