مرکې

د سولې او پراختیايي چارو کارپوه مشتاق رحیم وايي، افغانستان کې له سیاسي بدلون وروسته د نړۍ‌والو بېړنۍ مرستې غوره اقدام و، خو نور باید نړۍوال په داسې برخو کې پر مرستو تمرکز وکړي چې اړ خلک پر ځان بسیا کړي.  

په پاکستان کې د اسلامي امارت مخکنی سفير ملا عبدالسلام ضعيف وايي، افغانستان په نړۍ کې له سياسي انزوا وتلی خو د اساسي قانون او يوې سياسي ستراتيژي جوړول کولی شي د رسميت پېژندنې برخه کې ګټور تمام شي.

د جوزجان مرکز شبرغان ښار کې یوې مېرمنې د یوه کورس په جوړولو سره ۱۰۰ نجونو ته له شپږم ټولګي پورته د زده‌کړو زمینه برابره کړې، دغه کورس کې شاملې نجونې له ا.ا غواړي چې د دوی انتظار دې پای ته ورسوي او پر مخ یې دې ښوونځي پرانیزي.

د هلمند عامې روغتیا ریاست مسوولین وایي، لا هم د دغه ولایت په بېلابېلو ولسوالیو کې داسې سیمې شته چې خلک یې هیڅ ډول روغتیایي خدماتو لاسرسی نه‌لري او زیاتوي چې باید لږ تر لږه ۳۷ نوي روغتیایي مرکزونو ورته جوړ شي.

د امریکا کالیفورنیا پوهنتون افغان استاد ډاکټر عالم خان د دولتي کارکوونکو له تنخواوو د تقاعد ګرځولو په اړه د اسلامي امارت پرېکړه پر ځای بولي او د راتلونکي لپاره نوې طرحه ورته وړاندې کوي.

د ازموینې ملي ادارې مشر وایي، دغه اداره په روڼتیا سره خپله دنده ترسره کوي او دا د ا.ا ذمه‌واري ده چې د ولس د اولادونو او د هغوی د استعدانونو قدر وکړي څو هېواد مو د پرمختګ په لور ګامونه پورته کړي.

د کلیفورنیا پوهنتون یو افغان استاد په افغانستان کې روانې اقتصادي هڅې ستایي، خو وایي، په اوسني حالت کې - چې هېواد له انفلاسیون څخه ډیفلاسیون ته تللی- اړینه ده د اقتصادي پرمختګ لپاره د منظم پلان له مخې «بېل اوټ» وشي.

د بغلان د پوهنې ریاست مسوولین وايي، روان کال په دغه ولایت کې ۲۷۱ سیمه‌ییزې دیني مدرسې جوړې شوې چې څه باندې لس زره کسان په‌کې دیني زده‌کړې کوي.

د افغانستان کرکټ بورډ وایي چې په روان ۲۰۲۴ کال کې د شپږیزه کرکټ لیګ او د افغانستان پریمر لیګ «APL» سیالۍ ترسره کېږي.

د مالیې پخوانی وزیر ډاکټر حضرت عمر زاخېلوال وایي، پخواني ولسمشر غني د واک ساتلو لپاره سوله نه کوله، اوسني چارواکي دې نورو افغانانو ته هم حکومت ځای ورکړي او د خپل ولس غوښتنې دې ومني.   

د افغانستان د ښځو سوداګرۍ او صنایعو خونې رییسه وايي چې په روان کال کې د تېرو درېیو کلونو په نسبت د سوداګرو ښځو شمېر څلور برابره ډېر شوی او له اسلامي امارته غواړي چې د جواز اخیستو او مالیاتو ټیټېدو برخه کې اسانتیاوې برابرې کړي.

د امریکا کرکټ ادارې اجرائیوي رییس ډاکټر نورمحمد مراد وایي، د افغانستان کرکټ ستراتيژي به هلته هم عملي کوي او زیاتوي چې افغان ځوانان هم کولای شي د امریکا کرکټ لوبډلو ته لاره پیدا کړي.