امنیت او جرمونه

د لوګر امنیه قومانداني وايي چې د دغه ولایت په مرکز پل‌علم کې دوو ښځو ځان‌وژنه کړې ده.

ملي دفاع وزارت وايي، افغان انجنیرانو یوه بلک‌هاک (يواېچ - ۶۰) او بله (اېم‌ډي - ۵۳۰) ډوله امريکايي چورلکې ترمیم او پرواز ته چمتو کړې دي.

د زندانونو چارو د سمون ادارې مسوولین په زندانونو کې شکنجه او ځورونه ردوي او وايي، مخکې زندانونه د شکنجو او ځورونو ځایونه وو خو اوس د زده‌کړو او اصلاح پر ځایونو بدل شوي دي.

د کابل امنیه قومانداني وايي چې له یوه دوکانه د توکو او د یوه موټر د غلا په تور یې څلور کسان نیولي دي.

د افغانستان د زندانونو چارو د تنظیم ادارې سرپرست وایي چې د هېواد په زندانونو کې له دوو تر درېیو زرو کسان پر حرفوي زده‌کړو بوخت دي.

د ننګرهار امنيه قومانداني وايي چې د دغه ولایت په شېرزادو ولسوالۍ کې يې پاکستان ته د ۲۱۴ پسونو د قاچاق مخه نيولې او په تړاو یې دوه کسان هم نيول شوي دي.

د ملي دفاع وزارت وایي، ځواکونو یې د پکتیکا ولایت په اورګون ولسوالۍ کې یوې شمېر وسلې او مهمات نیولي دي.

د ملي دفاع وزارت لوی درستیز د ۲۱۹ عمر ثالث فرقې د ۲۰۰ منسوبینو په فراغت‌غونډه کې ویلي: «موږ باید د خلکو زړونه وګټو، څو وکولای شو په سمه توګه حکومت وکړو.»

د نشه‌یي توکو پر وړاندې د بدخشان د امنیې قوماندانۍ د مبارزې مدیریت مسوولین په دغه ولایت کې د ۱۱۴۱ کیلوګرامه تریاکو د کشف او ترلاسه کولو خبر ورکوي، وايي چې په تړاو یې دوه کسان نیول شوي دي.

ځايي سرچينې وايي چې د خوست په غلام‌خان بندر کې د تېرې شپې نښتې له امله يو موټر چلوونکی وژل شوی دی.

د کورنیو چارو سرپرست وزیر وايي چې اسلامي امارت له نړۍ سره د مثبت تعامل غوښتونکی دی او نړۍوال کولای شي له مشروع لارې افغانستان ته راشي او دغلته په رغونه کې برخه واخلي.

د کندهار امنیه قومانداني وایي، د دغه ولایت په پنجوایي ولسوالۍ کې ناپېژانده کسانو یو تن په ډزو وژلی دی.