افغانستان کې د ملګرو ملتونو د بشري مېشتېدنې پروګرام وايي، اټکل کېږي چې تر ۲۰۶۰ کال پورې به د افغانستان ۵۰ سلنه وګړي په ښارونو کې ژوند کوي خو د دغه هېواد ښارونه لا د دومره چټکې پراختیا لپاره چمتو نه دي.
د کار او ټولنیزو چارو وزارت مسوولینو لوګر کې له مسلکي زدهکړو د ۱۲۶ کسانو فراغت په مناسبت جوړه شوې غونډه کې ویلي، اسلامي امارت هڅه کوي چې له پاکستان او ایران څخه تازه راستنو شوو کډوالو ته د مسلکي زدهکړو او کار زمینه برابره کړي.
د عدلیې وزارت وايي چې تېره میاشت په لسو ولایتونو کې څه باندې ۳۷ زره جریب ځمکه بېرته راګرځول شوې او په ۱۸ ولایتونو کې څه باندې یو میلیون جریب امارتي ځمکه تثبیت شوې ده.
د هرات امنیه قومانداني وايي چې په دغه ولایت کې تر درملنې لاندې ۵۰۰ روږدو ته د حرفوي زدهکړو زمینه برابره شوې ده.
د غور د مرکز فېروزکوه اړوند د «شورابک» کلي یو شمېر اوسېدونکي وايي، د پرلهپسې وچکالیو له امله یې د څښاک پاکو اوبو ته لاسرسی ستونزمن شوی چې له امله یې په ماشومانو کې د نسناستي په څېر ناروغۍ ډېرې شوې دي.
د خوړو نړۍوال پروګرام (WFP) وايي، په افغانستان کې اړمنو کسانو ته د مرستو د دوام په موخه په راتلونکو شپږو میاشتو کې ۵۳۹ میلیون ډالرو ته بېړنۍ اړتیا لري.
د غزني او پکتیکا ولایتونو اړوند د دوو کورنیو ترمنځ ۱۵ کلنه دښمني د قومي مشرانو، دیني عالمانو او سیمهییزو چارواکو په منځګړیتوب پای ته ورسېده.
د جوزجان په مرکز شبرغان ښار کې یو شمېر کاڼه ځوانان او نجونې په یوه کارګاه کې د خیاطۍ، حکاکۍ او مرۍګنډلو حرفو په زده کولو سره نه یوازې د ګوڼوالي له امله د چوپتیا پر وړاندې مبارزه کوي، بلکې د خپلو احساساتو څرګندولو، ظرفیت لوړولو او روښانه راتلونکي لپاره د ځان لپاره نوې لار پرانیستې ده.
سمنګان کې سیمهییز مسوولین وايي چې د دغه ولایت نږې ۸۰ ځوانانو ته په بېلابېلو برخو د مسلکي زدهکړو زمینه برابره شوه. خو بلخوا، د دغه پروګرام ګډونوال له حکومته د دوامدراه کاري زمینې برابرولو غوښتنه کوي.
د افغانستان د احصايې او معلوماتو ملي اداره وایي، د روان لمریز کال په دوو میاشتو کې یې د هوايي ډګرونو او ځمکنيو بندرونو له لارې هېواد ته د څه باندې پنځه زره بهرنیو وګړو تګ راتګ ثبت کړی دی.
کندهار کې سیمهییز مسوولین وايي چې د دغه ولایت په غورک او نېښ ولسوالیو کې څه باندې ۲۰۰ کورنیو د سختې وچکالۍ له امله خپلې مېنې پرېیښې او نورو سیمو ته کډه شوې دي، بلخوا دغه بېځایه شوې کورنۍ غوښته کوي چې حکومت دې بېړنۍ مرستې ورسره وکړي.
د افغاني سرې مياشتي ټولنه وايي، تېر کال یې له ۵۱۱ زره اړو کسانو سره مرستې کړې، ۳.۸ میليونه کسانو ته یې روغتيايي خدمات وړاندې کړي او څه باندې دوه زره د سوري زړه پر ناروغۍ اخته ماشومان یې د درملنې په موخه روغتونونو ته ورپېژندلي دي.
د برېښنا شرکت اجرائیوي رییس وايي، د افغانستان ۸۰ سلنه برېښنا له بهرنیو سرچینو برابرېږي او اوسمهال د هېواد ۴۰ سلنه نفوس برېښنا ته لاسرسی لري او تر راتلونکو دوو کلونو به په دغه شمېر کې د پام وړ لوړوالی راشي.
د کابینې په غونډه کې د ځمکې لاندې اوبو د ښه مدیریت او خلکو ته د سالمو اوبو د رسولو په اړه بحث شوی، او اړوندو ادارو ته لارښوونه شوې چې په دې برخه کې لازم اقدامات ترسره کړي.
د لوګر قومي مشرانو په یوه ولسي غونډه کې د اسلامي نظام او د ملي یووالي پر پیاوړتیا ټینګار وکړ او له حکومته یې وغوښتل چې د خلکو ستونزو ته جدي پاملرنه وکړي.
په کابل ښار کې د ۱۶۹ میلیون افغانیو په لګښت جوړه شوې د څښاک پاکو اوبو یوه شبکه – چې ۶۲۰۰ کورنۍ تر خپل پوښښ لاندې راولي- ګټې اخیستنې ته وسپارل شوه.
د غزني د سرحدونو، قومونو او قبایلو چارو ریاست مسوولین وايي چې د دغه ولایت د اببند او جاغوري ولسوالیو د دوو قومونو ترمنځ شخړه چې یو کال مخکې د یوې ترافیکي پېښې له امله رامنځته شوې وه، هواره شوه.
د غور د اطلاعاتو او فرهنګ ریاست په دغه ولایت کې ۳۰۰ ځوانانو ته د دیني علومو، انګلیسي ژبې او کمپیوټر برخو کې د زدهکړو درې میاشتنی وړیا پروګرام د پیل خبر ورکوي.
د جوزجان د مرکز شبرغان ښار په «تورخېل» کلي کې د ځايي مسوولینو، عالمانو او قومي مشرانو په منځګړیتوب د دوو کورنیو ۱۲ کلنې دښمنۍ ته د پای ټکی کېښودل شو.
د شمال زون یو شمېر ځوانان چې د بلخ، سمنګان، جوزجان، فاریاب او سرپل ولایتونو استازي پهکې شامل دي، د ملي یووالي، اتحاد او ورورولۍ له پیغام سره سوېلختیځو ولایتونو ته له سفر وروسته غزني ته تللي دي.
د کاپیسا د تګاب ولسوالۍ په میاخېل سیمه کې د دوو کورنیو ترمنځ پنځلس کلنه دښمني چې په ترڅ کې یې دوه کسان هم وژل شوي وو، د دیني عالمانو او قومي مشرانو په منځګړیتوب پای ته ورسېده.
د جوزجان ولایت په خانقاه ولسوالۍ کې د دوو کورنیو ترمنځ ۲۱ کلنه دښمني چې له امله یې له دواړو لورو شل کسان وژل شوي وو، د ځايي مسوولینو، دیني عالمانو او قومي مخورو په منځګړیتوب پای ته ورسېده.
د افغانستان د شمالي ولایتونو یو شمېر ځوانانو د قومونو ترمنځ د ورورولۍ، یووالي او ملي تفاهم د هڅو په دوام، د هېواد سوېلختیځ ولایت خوست ته سفر کړی دی.
د کار او ټولنیزو چارو وزارت وايي، د دغه وزارت د هڅو په پایله کې په لومړي ځل د قطر هېواد د مختلط دولتي شرکت او د افغانستان د کارموندنې خصوصي شرکتونو ترمنځ یاد هېواد ته د افغان کارګرانو لېږلو په تړاو هوکړه وشوه چې له مخې یې، د اوس لپاره افغان کارګرانو ته ۷۰۰ کاري فرصتونه ځانګړي شوي دي.
