د شمالي ولايتونو یو شمېر ځوانان د ملي يووالي ټینګښت په موخه سوېلختيځ ته تللي
د هېواد له شمالي ولايتونو يو شمېر ځوانان د ملي يووالي د ټینګښت او د باور فضا رامنځته کېدو په موخه پکتيا، پکتیکا او خوست ولایتونو ته تللي دي
ټولنه
راپورونه
د خوست علیشېرو ولسوالۍ د ببرک تاڼې اوسېدونکي د څښاک پاکو اوبو ته له نه لاسرسي شکایت کوي
د خوست د عليشېرو ولسوالۍ د ببرک تاڼې کلي اوسېدونکي وايي، له کلونو راهیسې یې په سیمه کې د څښاک پاکې اوبه نشته، له همدې امله د خوړ له ولاړو ناپاکو اوبو استفاده کوي چې ګڼې روغتیايي ستونزې یې پیدا کړې دي.
کابل ښار کې د اوبو کمښت؛ ښځې او ماشومان په ډېر کړاو له اوبو ډکې بوشکې تر خپلو کورونو وړي
پرلهپسې وچکالۍ او د ځمکې لاندې اوبو کچې ټیټېدو د کابل ښار ځینو سیمو کې ښځې او ماشومان اړ کړي څو د اړتیا وړ اوبو ترلاسه کولو لپاره له لرو ځایونو د اوبو درنې بوشکې تر خپلو کورونو ولېږدوي؛ هغه کار چې د ډاکټرانو په وینا، د ملا د ډېسک، د بندونو د درد او پښتورګو د ستونزې په څېر ناروغیو پیدا کېدو لامل ګرځي.
ملګري ملتونه: کابل کې د اوبو کمښت له ناورین سره مبارزه پراخې پانګونې او پیاوړې همکارۍ ته اړتیا لري
په افغانستان کې د ملګرو ملتونو د بشري مېشتېدنې پروګرام (یواېن – هبیتات) په کابل کې د اوبو د کمښت ناورین په اړه د اندېښنې څرګندولو ترڅنګ ويلي چې دې ستونزې ته رسېدنه پراخې پانګونې، هراړخیزې همکارۍ او د عامه پوهاوي لوړېدو ته اړتیا لري.
د سالنګ لویه لار د زمري له لومړۍ نېټې د ټولو باروړونکو موټرو پر مخ تړل کېږي
د ټولګټو وزارت خبر ورکوي چې د سالنګ لویه لار د زمري له لومړۍ نېټې د ټولو باروړونکو موټرو پر مخ تړل کېږي او پر بدیله فرعي لار یوازې مسافروړونکي موټر تګ راتګ کولای شي.
لوګر کې د دوو کورنیو ترمنځ ۱۶ کلنه دښمني پای ته ورسېده
د لوګر د امر بالمعروف، نهي عنالمنکر او شکایتونو اورېدو ریاست مسوولین وايي چې د دغه ولایت په مرکز پلعلم کې د دوو دښمنو کورنیو ترمنځ روغه جوړه وشوه.
د ولسي او حماسي شاعر مطیعالله تراب ناڅاپي مړینې ته غبرګونونه
د اطلاعاتو او فرهنگ وزارت، یو شمېر اوسنیو او پخوانیو چارواکو، سیاستوالو، لیکوالانو، فرهنګیانو او د کرکټ یو شمېر مشهورو لوبغاړو، د ولسي او حماسي شاعر مطیعالله تراب پر ناڅاپي مړینه ژوره خواشیني څرګنده کړې او د هغه مړینه یې د هېواد د ادبي ټولنې لپاره ستره ضایعه بللې ده.
بادغیس کې لسګونه ځوانان له تخنیکي او حرفوي زدهکړو فارغ شول
بادغیس کې ۱۵۰ ځوانانو د تخنیکي او حرفوي زدهکړو له شپږمیاشتنۍ دورې فارغ شول؛ یو شمېر فارغ شوي د بېکارۍ له امله د ځوانانو د کډوال کېدو مخنیوي لپاره د دغه ډول پروګرامونو ډېرېدو غوښتنه کوي.
د اوبو د کمښت ناورین؛ کارپوهان: کابل ښار ته د پنجشېر د اوبو رالېږدول باید د حکومت لومړیتوب وي
په کابل ښار کې د ځمکې لاندې اوبو کچې په بېساري ټیټېدو سره د چاپېریالساتنې برخې کارپوهان خبرداری ورکوي چې کابل ښار ته د پنجشېر د اوبو لېږدولو پروژه کې ځنډ به پلازمېنه د اوبو له سخت کمښت سره مخ کړي؛ خو د اوبو او انرژۍ وزارت وایي چې د دې پروژې تخنیکي مطالعات، سروې او ډیزاین بشپړ شوي او د منظورۍ په موخه د اسلامي امارت مشرتابه ته استول شوې ده.
میدانوردګو کې د ناوړه دودونو مخنیوي په موخه ولسي غونډه جوړه شوه
په میدانوردګو ولایت کې د ناوړه دودونو مخنیوي په موخه ولسي غونډه جوړه شو او ګډونوالو یې ټینګار وکړ چې ناسم دودونه باید د حکومت او ولس په ګډو هڅو له منځه یووړل شي.
غور کې د دوو قومونو ترمنځ سل کلنه دښمني پای ته ورسېده
په غور کې سیمهییزې سرچینې وايي، د دغه ولایت په دولتیار ولسوالۍ کې د دوو قومونو ترمنځ سل کلنه دښمني چې د ځمکې د مالکیت پر سر رامنځته شوې وه، له کلونو راهیسې له بېپایلې هڅو وروسته، د سترې محکمې د وروستۍ پرېکړې له مخې پای ته ورسېده.
افغانستان ته د تېر حکومت راستنو شوو شاوخوا دېرشو کسانو ته د خوندیتوب کارتونه ورکړل شول
نن په کابل کې د تېر حکومت يو شمېر هغو کسانو ته چې په دې وروستيو کې هېواد ته راستانه شوي، د خونديتوب کارتونه ورکړل شول او چارواکو په دې اړه جوړه شوې ناسته کې په بهر کې له مېشتو نورو افغانانو هم وغوښتل چې په ډاډ سره خپل هېواد ته راستانه شي.
ډبلیواېفپي: روان اوړی کولای شو په افغانستان کې له هرو لسو اړمنو یوازې یوه سره مرسته وکړو
د خوړو نړۍوال پروګرام وايي، په روان اوړي کې په افغانستان کې نږدې ۱۰ میلیونه کسان خوراکي مرستو ته اړتیا لري خو دغه بنسټ یوازې یو له میلیون کسانو سره مرسته کولای شي.
د حرفوي، تخنیکي او مسلکي زدهکړو پروګرامونه؛ د ځوانانو هیلې، فرصتونه او ننګونې
په تېرو نږدې څلورو کلونو کې د حکومت له خوا په ټول هېواد کې څه باندې ۱۸۲ زره کسان د حرفوي، تخنیکي او مسلکي زدهکړو له مرکزونو فارغ شوي؛ مسوولین دغه پروګرامونه د بېکارۍ راکمولو لپاره مهم ګام بولي، خو شنونکي ټینګار کوي چې یوازې زدهکړې کافي نه دي، بلکې باید فارغانو ته د کار دوامداره فرصتونه هم برابر شي.
له افغانستانه سعودي ته د عمرهکوونکو د تلو بهیر پیل شو
د ارشاد، حج او اوقافو وزارت وايي چې له افغانستانه سعودي عربستان ته د عمرهکوونکو د تلو لړۍ پیل او نن یې لومړۍ الوتنه ترسره شوه.
یو خیریه بنسټ په اسلامکلا بندر کې هره ورځ پنځهزره راستنېدونکو ته خواړه وېشي
له ایرانه د افغان کډوالو د بهیر په چټکېدو سره یو خیریه بنسټ د هرات په اسلامکلا بندر کې هره ورځ پنځهزره راستنېدونکو کډوالو ته چمتو شوي خواړو او معدني اوبه وېشي.
د غزني د مرکز د یو شمېر سیمو اوسېدونکي د وارداتي برېښنا غوښتنه کوي
د غزني ولایت د مرکز اړوند د یو شمېر سیمو اوسېدونکي وایي چې لا هم په خپلو ورځنیو چارو کې له شخصي برېښنا ګټه اخلي چې په لوړه بیه ورته تمامېږي او غوښتنه کوي چې وارداتي برېښنا دې ورکړل شي.
دلاور: نړۍوال مرستندوی بنسټونه دې په افغانستان کې د سېلابځپلو لاسنیوی وکړي
د افغاني سرې میاشتې ټولنې عمومي رییس له نړۍوالو مرستندویو بنسټونو غوښتي چې په افغانستان کې له سېلابځپلو سره بېړنۍ مرستې وکړي.
د خوړو نړۍوال پروګرام: له وچکالۍ زیانمنونکو افغان کورنیو لپاره مو ۱.۷ میلیون ډالر مرسته ترلاسه کړي
د ملګرو ملتونو سازمان د خوړو نړۍوال پروګرام وایي چې د دغه سازمان د بېړني غبرګون له صندوق (CERF) څخه یې ۱.۷ میلیونه امریکايي ډالر مرسته ترلاسه کړې څو د وچکالۍ پر مهال د اغېزمنېدونکو…
غور کې معلولینو او د شهیدانو کورنیو ته د حقوقو وېشلو لړۍ پیل شوه
د غور د شهیدانو او معلولینو چارو ریاست مسوولین وايي چې په دغه ولایت کې یې معلولینو او د شهيدانو کورنیو ته د حقوقو د وېش لړۍ پیل کړې ده.
کندهار کې د ځمکې لاندې اوبو کچه تر ۱۰۰ مترو ټيټه شوې؛ خلک له سختو ستونزو سره مخ دي
د کندهار ښار اوسېدونکي شکایت کوي چې د ځمکې لاندې اوبو کچه په بېساري ډول ښکته شوې، ډېری څاګانې وچې شوې او اوس له لرو ځایونو د اوبو راوړلو او یا پېرلو له سختو ستونزو سره مخ کړي دي.
د غزني په دهیک کې د دوو کورنیو ترمنځ روغه وشوه
د غزني ولایت د سرحدونو، قومونو او قبایلو چارو ریاست وایي چې د دغه ولایت په دهیک ولسوالۍ کې د دوو کورنیو ترمنځ دوه کلنه دښمني حل او فصل شوه
د ماشومانو لپاره په بستهبندي شوو خوراکونو کې کیمیاوي رنګونه؛ د ماشومانو د روغتیا لپاره جدي ګواښ
په داسې حال کې چې د ماشومانو لپاره د پاپړ، چپس او بیسکېټو په څېر بستهبندي شوو خوراکونو د دوکاندارانو بازار تود ساتلی، خو روغتیايي متخصصین او د عامې روغتیا وزارت وايي، په یو شمېر دغو خوراکونو کې کیمیاوي رنګونه کارول شوي چې په اوږدمهال کې د ماشومانو روغتیا ته زیان رسوونکي دي.
ناروې له افغانستان سره څه باندې څلور میلیون ډالر مرسته وکړه
د افغانستان لپاره د ملګرو ملتونو ځانګړي اماني صندوق اعلان کړی چې ناروې له افغانستان سره ۴.۲۵ میلیون ډالر مرسته کړې ده.
