د خوست په ګربزو ولسوالۍ کې له زدهکړو بېبرخې لسګونه کارګر ماشومان هره ورځ سهار له لمر ختو مخکې د خښتو بټیو کې کار ته د تلو په تکل سره راټولېږي؛ دا هغه ماشومان دي چې کوچني سپېره لاسونه، ستړې څېرې او په سترګو کې ناهیلي یې د بېوزلۍ او ستړي ژوند کیسې بیانوي.
د غزني ښار یو شمېر اوسېدونکي وايي چې د سړک غاړو او نورو پلورونکو له خوا په کراچیو کې د توکو د پلور په موخه د لګول شوو لاوډسپېکرونو غږونو خلک له ستونزو سره مخ کړي خو مسوولین وایي، د دې ستونزې مخنیوي لپاره هڅې کوي.
د تخنیکي او مسلکي زدهکړو ادارې مسوولینو د کڼو ملي ورځې نمانځنې په مناسبت جوړې شوې غونډه کې وویل چې دا مهال د هېواد په ۱۸ ولایتونو کې د کڼو او نابینایانو لپاره ۲۰ ځانګړي مرکزونه فعال دي چې ۳۱۲۴ کسان زدهکړې پهکې کوي.
د کاپیسا ولایت په مرکز کې د دوو کورنیو ترمنځ ۱۵ کلنه دښمني د ځايي مسوولینو، دیني عالمانو او قومي مخورو په منځګړیتوب پای ته ورسېده.
افغانستان کې د ملګرو ملتونو سازمان د ګډوالو عالي کمېشنرۍ له نړۍوالې ټولنې غوښتي څو په دغه هېواد کې خپلې پانګونې کمې نهکړي.
د خوست د سرحدونو، قومونو او قبایلو چارو رییس وايي چې له دوی سره د دغه ولایت په کچه ۹۵۰ شخصي دښمنۍ ثبت دي او هڅې روانې دي چې دغو ټولو دښمنیو ته د پای…
اروپایي ټولنې خبر ورکړی چې له سل ټنه بشري مرستو بار یوه الوتکه یې نن سهار کابل ته رسېدلې ده.
د افغانستان لپاره د ملګرو ملتونو ځانګړی وجهي (اماني) صندوق وایي چې په تېر ۲۰۲۴ میلادي کال کې یې نږدې ۳۷ میلیونه ډالر مرسته ترلاسه او له دې لارې یې له څه باندې ۱،۳ میلیون کسانو سره مرسته کړې ده.
یوناما وايي چې د افغانستان یو پر درېیمه برخه وګړي د څښاک پاکو اوبو ته لاسرسی نهلري او څه باندې لس میلیونه کسان لا هم د اوبو له ناپاکو سرچینو استفاده کوي.
په غزني کې د ۱۸ جوړو د واده ګډ مراسم ترسره شول چې د یو شمېر دیني عالمانو په ګډون پهکې سلګونو کسانو ګډون کړی و.
په داسې حال کې چې واده باید په ژوند کې خوشحالي او نېکمرغي راولي، خو د هېواد په ځینو سیمو کې د لوړ ولور او د واده د ډېر لګښت له امله د ګڼو ځوانانو ژوند له ستونزو سره مخ دی؛ یو شمېر ځوانان چې د دغو لوړ لګښت لرونکو دودونو پر ځای کولو لپاره یې کډوالۍ ته مخه کړې، غوښتنه کوي چې دغه ناسم دودونه دې له منځه ولاړ شي.
دایکنډي کې سره له دې چې ډېرې کورنۍ بېوزلې دي، لا هم د وادونو، د مړو د خیرات او نور مراسم په لوړو لګښتونو ترسره کېږي؛ داسې لګښتونه چې د دغه ولایت د یو شمېر اوسېدونکو په وینا، نه یوازې پر خلکو اقتصادي فشار راوړي، بلکې د ټولنې د پرمختګ او هوساینې مخه یې هم نیولې ده.
فراه کې د دوو کورنیو ترمنځ دښمني چې ۱۸ کاله مخکې د یوې کورنۍ د یوه غړي د وژل کېدو له امله پیل شوې وه، د دغه ولایت د عالمانو، ځايي مسوولینو او قومي مخورو په منځګړیتوب پای ته ورسېده.
یو شمېر کارګر ماشومان له حکومته د مرستې غوښتنه کوي او د کار او ټولنیزو چارو وزارت، په سختو کارونو د ماشومانو ګومارل له قانون سرغړونه بولي او له نړۍوالو بنسټونو غواړي چې د ماشومانو ستونزو ته د رسېدو په برخه کې خپل مسوولیت ادا کړي.
لوګر کې د هېواد د اتو ولایتونو د سلګونه کوچیانو په ګډون په یوه ولسي غونډه کې د ناوړه دودونو د له منځه وړلو لپاره د خلکو د عامه پوهاوي کچې پر لوړولو او ځوانانو ته د زدهکړو زمینې پر برابرولو ټینګار وشو.
د سرپل د الجهاد او صیاد ولسوالیو یو شمېر خلک په خپلو سیمو کې د څښاک پاکو اوبو له نشتوالي شکایت کوي او وايي چې خپلې د اړتیا وړ اوبه له لرو ساحو راوړي چې له امله یې له سختو ستونزو سره مخ دي.
مسوولین وایي چې په تېرو نږدې څلورو کلونو کې د هېواد په کچه د جرګو او مرکو له لارې ۲۶۵۰ شخړې او دښمنۍ هوارې شوې، بلخوا شنونکي دا چاره د ټولنیز ثبات رامنځته کېدو او د خلکو ترمنځ د کرکې د له منځه تلو لپاره مهم ګام بولي.
د اختر ورځې د خوشالۍ لپاره وي، خو د ځینو کورنیو لپاره چې کوژدن شوي ځوانان لري، د دې پر ځای چې دغو ورځو ته خوشحالي وکړي، له مالي فشار او خپګان سره مخ کېږي.
د افغانستان ستره محکمه وایي، د لوی اختر په مناسبت د هېواد د اتو ولایتونو له زندانونو ۱۵۵۹ بندیان ازاد شول او ۹۵۰ نورو بندیانو ته د بند په موده کې تخفیف ورکړل شو.
د سرحدي پولیسو عمومي ریاست وایي، د کندهار سپینبولدک ځمکني بندر دروازه به د لوی اختر په لومړیو دوو ورځو کې د مسافرو او د اختر څلور ورځې د باروړونکو موټرو پر مخ تړلې وي.
عدلیې وزارت د ننګرهار په سرهرود ولسوالۍ کې د حاجي قدير ښارګوټي څه باندې ۱۲۳۲ جریب ځمکه د سندونو او مدارکو له مخې امارتي تثبیت کړې ده.
د ټولګټو وزارت وايي، د سالنګ لویې لارې د رغولو پاتې چارو بشپړولو لپاره دغه لار له لوی اختر وروسته د ټولو ټېلري موټرو پر مخ تړل کېږي.
د ننګرهار ولایت اچین ولسوالۍ کې د دوو کورنیو ترمنځ ۱۰۰ کلنه دښمني پای ته ورسېده.
نن د مرکز کابل په ګډون د هېواد په یو شمېر ولایتونو کې زرګونه کسانو د فلسطین د خلکو په ملاتړ او پر غزه د اسرائیلو د بریدونو پر ضد لاریونونه وکړل.
