سیف الله کریمی

سمنګان کې یوه زړه ښځه چې خپله څه باندې یو جریب ځمکه یې روغتیايي مرکز ته وقف کړې وايي، د دغه روغتیايي مرکز په جوړېدو یې یوه ډېره لویه پخوانۍ هیله پوره شوه.

مسوولین وايي، هرات ښار کې د کندهاریانو ساحې سړک د شمالي او سوېلي برخو پخولو چارې پیل شوې او د سمنګان په مرکز ایبک ښار کې څلور ټولګټې پروژې بشپړې او ګټې اخیستنې ته وسپارل شوې.

سمنګان کې مسوولین وايي چې د دغه ولایت په مرکز کې د موسمې سېلابونو د مخنیوي، د باران د اوبو ذخیره کولو او د ځمکې لاندې اوبو د سرچینو پیاوړتیا په موخه د رباتک چک‌ډیم جوړولو چارې پیل شوې.

د سمنګان روغتیايي مسوولینو په دغه ولایت کې پر خوارځواکۍ د اخته ماشومانو له ډېرېدو خبر ورکړی او وایي چې د روان کال په شپږو میاشتو کې پر خوارځواکۍ اخته څه باندې ۱۴۹۰۰ ماشومان د مرکز او ولسوالیو روغتیایي مرکزونو ته وړل شوي دي.

په سمنګان ولایت کې د افغان پرمختیايي خیریه موسسې له خوا «د بشري حقونو د ښه کېدو او له داخلي بې‌ځایه شوو د ساتنې» تر سرلیک لاندې یو پروګروام ترسره شو.

د سمنګان سیمه‌ییز مسوولین وايي چې د دغه ولایت یوه اوسېدونکي اطلاعاتو او فرهنګ ریاست ته ۱۲ قلمه تاریخي اثار وسپارل.

د اوبو او برېښنا وزارت سرپرست سمنګان ته په خپل سفر کې د دغه ولایت د زاړه ښار د یادګار بند بنسټ ډبره کېښوده او ټینګار یې وکړ چې د خرم و سارباغ ولسوالۍ د کیلی بند جوړولو چارې به هم ډېر ژر پیل شي.

سمنګان کې ځایي مسوولین وایي چې په دغه ولایت کې نن رسماً د سوالګرو د ټولولو او د هغو د بایومتریک لړۍ پیل شوه او له مستحقو سوالګرو به ملاتړ وشي.

د سمنګان ولايت يو شمېر اوسېدونکي او کروندګر وايي، په دغه ولايت کې د انجې د بوټي کرکېله او ترویج زیات شوی، خو سږ کال په بازار کې د دغه بوټي د شیرې بيه د پام وړ ټيټه شوې ده.

سمنګان کې روغتیایي مسوولین وايي، د دغه ولایت په مرکز کې یوې ښځې څلور ماشومان زېږولي دي.

سمنګان کې ځایي مسوولین وايي، په دغه ولایت کې په شاوخوا ۱۷۰ پرمختیايي پروژو کې زرګونو کسانو ته د لنډمهال کار زمینه برابره شوې ده.

د ځمکو د غصب د مخنیوي او د غصب شوو ځمکو د استرداد کمېسیون وایي چې نږدې یوه کال په موده کې په سمنګان او بدخشان کې شاوخوا ۱۲۰ زره جریبه غصب شوې دولتي ځمکه راګرځول شوې ده.