نورالله ځاځی

د اوبو او برېښنا وزارت سرپرست وايي، له ټولو نړۍوالو او د بشري حقونو له بنسټونو تمه ده څو نه یوازې په ژمنه، بلکې په عمل کې د افغانستان له خلکو سره د برېښنا پراختیا او اوبو رسولو پروژو برخه کې مرسته وکړي.

د تخنیکي او مسلکي زده‌کړو ادارې د زندانونو چارو د سمون له ادارې، د علومو اکاډمۍ، د کورنیو چارو له وزارت، اسلامي بانک، افغان ملي بانک او یوې موسسې سره د همکاریو هوکړه‌لیکونه لاسلیک کړل.

د روغتیا نړۍوال سازمان وايي، په تېره یوه اونۍ کې د افغانستان په کچه ۳۲۲۸ کسان د نس‌ناستي پر ناروغۍ اخته شوي چې د تېرو اونیو په پرتله ۱۱،۷ سلنه کموالی ښيي.

د ریاست‌الوزراء سیاسي مرستیال وايي، اسلامي امارت د سوداګرو هر ډول ملاتړ کوي او د ستونزو د حل لپاره یې په هره کچه چې اړتیا وي، هڅې نه درېغوي.

د افغانستان برېښنا شرکت، افغان ملي بانک او د کجکي برېښنا انرژۍ د تولید شرکت ترمنځ د ۱۲ میلیون امریکايي ډالرو په ارزښت د کجکي برېښنا بند پروژې د مالي ملاتړ تړون لاسلیک شو.

د افغانستان د عدلیې وزارت وايي چې د صنعتي ساحو قانون د اسلامي امارت د مشرتابه له خوا له توشیح وروسته نافذ او په رسمي جریده کې خپور شو.

د افغانستان د کډوالو او بېرته راستنېدونکو چارو وزارت وايي چې د عراق له زندانونو ۲۵ افغان بندیان ازاد او هېواد ته راستانه شول.

راپورونه وايي چې دا مریکا په فلورېډا ایالت کې د «مېلټن» په نوم د توپان له امله شاوخوا دوه میلیون کسانو ته د خپلو کورونو د پرېښودو او خوندي ځای ته د تلو امر شوی دی.

د افغانستان د کډوالو او راستنېدونکو چارو وزارت وايي چې له یوې موسسې سره یې د څه باندې ۱۳۳ زره او ۷۰۰ امریکايي ډالرو په ارزښت یو هوکره‌لیک لاسلیک کړی دی.

د اطلاعاتو او فرهنګ وزارت وايي چې د ترکیې ټیکا مؤسسه د افغانستان د تاریخي ابداتو په رغونه، د ملي ارشیف، هنرستان او عامه کتابتونونو د تجهیز برخو کې خپله همکاري پراخوي.

د کانونو او پټرولیم وزارت له یوه ازبکستاني شرکت سره د جوزجان ولایت د طوطي میدان ګازو د اکتشاف او استخراج تړون لاسلیک کړ او یاد شرکت به په لومړي کال کې ۱۰۰ میلیونه او په لسو کلونو کې یو میلیارد امریکایي ډالر پانګونه وکړي.

د «رېنیووا» په نوم د یوې جاپاني کمپنۍ رییس د افغانستان برېښنا شرکت له عمومي اجرائیوي رییس سره په لیدنه کې ویلي چې غواړي افغانستان کې د ۴۰ مېګاواټه لمریزې برېښنا تولید په موخه پانګونه وکړي.