خان ولي احمدزى

د لوګر امنیه قومانداني وايي، د دغه ولایت په مرکز پل‌علم کې د يو کس جسد موندل شوى چې په چړو وژل شوى دى.

د لوګر په مرکز پل‌علم، محمداغه او خروار ولسوالیو کې د ۸۸ میلیون افغانیو په لګښت درې کرنیزې پروژې ګټې اخيستنې ته وسپارل شوې.

د شاوخوا ۲۵ میلیون افغانیو په لګښت د کابل – لوګر عمومې لارې ویجاړ شوو پلچکونو او استنادي دېوالونو بیارغولو چارې پيل شوې.

د لوګر پوهنې ریاست وایي چې د پوهنې وزارت له لارښوونې سره سم په دغه ولايت کې د ديني مدرسو لپاره څه باندې ٧٠٠ نوي ښوونکي پر دندو ګومارل کېږي.

د اطلاعاتو او کلتور وزارت د ځوانانو معین لوګر ولایت ته د سفر پرمهال د ځوانانو یوې مناظرې ته ویلي، ډېر ژر به د هېواد په ټولو ولایتونو کې د ځوانانو سلګونه نوې شوراګانې جوړې کړي.

د لوګر په مرکز پل‌علم ښار کې د لرګيو په ټالونو کې د اورلګېدنې له امله خلکو ته مالي زيانونه اوښتي دي.

د لوګر امنیه قومانداني وایي چې د دغه ولایت په مرکز پل‌‌علم، بره‌کي برک، محمداغه، څرخ، خوښۍ او ازره ولسوالیو کې ۳۵۰ جریبه ځمکه له کوکنارو او بنګو پاکه شوې ده.

د کانونو او پټرولیم سرپرست وزیر د کانونو وضعیت ارزونې په موخه لوګر ولایت ته سفر وکړ او هلته یې د کانونو د څار په موخه لس کسیزه کمېټه جوړه کړه.

د لوګر امنیتي مسوولین وايي چې د دغه ولایت د مرکز پل‌علم اړوند بابوس سیمه کې د یوه ۴۰ کلن سړي مړی موندل شوی دى.

د لوګر د بدنې روزنې امریت وایي، د لوګر، پکتیا، پکتیکا، خوست، میدان‌وردګ او غزني ولایتونو د لوبغاړو ترمنځ د کانګفو دوه ورځنۍ سیالۍ ترسره شوې.

د لوګر د کرنې ریاست مسوولین وایي، د ملګرو ملتونو د خوړو او کرنې نړۍوال پروګرام له لوري په خروار ولسوالۍ کې شاوخوا ۶ زره مالدارانو ته د حیواني خدماتو وړاندې کولو یو مرکز پرانیستل شو.

د خوړو نړۍوال پروګرام/ WFP له لوري په مرکز پل‌علم او ولسوالیو کې څلور پروژې ګټې اخیستنې ته وسپارل شوې.