بغلان

د بغلان امنیه قومانداني وایي، له تېرو څو ورځو راهیسې یې دغه ولایت کې د بېلابېلو کشفي عملیاتو پر مهال یو شمېر وسلې، مرمۍ او چاودېدونکي توکي نیولي دي.

د بغلان امنیې قوماندانۍ مسوولین وایي، تېر ماښام یې هغه تورن کس نیولی چې وړمه ورځ یې د رومل په نوم د یوه کس په وژلو کې لاس درلود.

بغلان کې د مڼو بڼوال او سوداګر وایي، سږ کال په دغه ولایت کې د مڼو حاصلات ډېر دي خو بیه یې د تېر کال په پرتله ۵۰ سلنه ټیټه شوې ده.

بغلان کې د وروستیو سېلابونو له امله یو شمېر بې‌کوره شوي خلک وايي، د حکومت او مرستندویه ادارو له لوري ورسره د کورونو جوړولو ژمنې شوې خو لا هم نه دي عملي شوې، بلخوا مسوولین وايي، لسګونه کورونه جوړ شوي دي.

د بغلان والي وایي، خلک باید د لا ښې حکومتولۍ رامنځته کېدو په موخه حکومتي چارواکو ته لازمې مشورې ورکړي.

د بغلان د پوهنې ریاست مسوولین وایي، د دغه ولایت ټولو ولسوالیو کې د لیک لوست پروګرام د ۱۹۳ ټولګیو له لارې څه‌کم څلور زره نارینه‌ او ښځې پر زده‌کړو بوخت دي.

د بغلان د پوهنې ریاست مسوولین وایي، د دغه ولایت د مرکز پلخمري په ګډون د شپږو ولسوالیو په لرې پرتو سیمو کې څه باندې ۲۹ زره ماشومان د بېلابېلو موسسو له لوري په جوړو شوو کلیوالي ټولګیو کې زده‌کړې کوي.

د بغلان د کرنې ریاست مسوولین وایي، سږ کال په دغه ولایت کې د وریجو حاصلات ډېر شوي خو کروندګر بیا شکایت کوي چې د دغه محصول بیه ټيټه ده.

د بغلان د کرنې ریاست مسوولین او کروندګر وايي، سږ کال په دغه ولایت کې د پیازو حاصلات ۱۴ سلنه ډېر شوي او بیه یې هم دوه برابره لوړه ده.

بغلان کې کروندګر وایي، حکومت په داسې حال کې له بزګرانو څخه اضافه شوي غنم پېري چې دغه ولایت کې د وریجو د حاصلاتو ټولولو وخت دی او له دوی سره اضافي غنم نه پیدا کېږي، دوی غوښتنه کوي چې د غنمو پر ځای دې ورڅخه وریجې وپېري.

د بغلان په خنجان ولسوالۍ کې د یوه سراچه ډوله موټر چپه‌کېدو له امله یوه ښځه او یو ماشوم مړه شوي او اته تنه نور ټپیان شوي دي.

بغلان کې ورزشي مسوولین وایي، د دغه ولایت په مرکز پلخمري کې د ۱۳۰ پهلوانانو ترمنځ د غېږنیونې سیالۍ ترسره شوې.