پلخمري (پژواک، ۲۲ وری ۱۴۰۴): د بغلان امنیه قومانداني وایي چې د دغه ولایت په مرکزي بغلان ولسوالۍ کې د یوې ترافیکي پېښې له امله یوه تن ژوند له لاسه ورکړی او دوه نور ټپيان دي.
د بغلان د امنیې قوماندانۍ په خبرپاڼه کې راغلي چې دغه پېښه تېره ورځ د یوه هایلکس موټر او موټرسایکل د ټکر له امله شوې ده.
سرچینې لیکلي چې دغه پېښه کې پر موټرسایکل سپور یوه تن ژوند له لاسه ورکړی او دوه نور ټپیان شوي دي.
امنیې قوماندانۍ لیکلي چې د پېښې ټپیان روغتون ته لېږدول شوي دي.
