جوړولو

د ننګرهار مرستيال والي وايي، په دغه ولايت کې د صنعت او سوداګرۍ پراختيا لپاره هڅې ګړندۍ شوې او سوداګرو ته د صنعتي فابریکو جوړولو لپاره ۲۰ زره جریب ځمکه ورکول کېږي.

د افغانستان د اوبو او انرژۍ وزارت وايي چې له یوه شرکت سره یې په هرات ولایت کې د دوو ذخیروي بندونو د جوړولو هوکړه‌لیک لاسلیک کړی دی.

د کابل ښاروالي وايي چې د پغمان ولسوالۍ پخواني سړک د جوړولو او پراختیا لومړنۍ چارې د ۱۱۷ میلیون افغانیو په لګښت پیل شوې.

د اروزګان یو شمېر اوسېدونکي وایي، له درېیو میاشتو ډېره موده کيږي چې د اغاجان بند جوړولو پروژې چارو د پیل پرانیسته شوې خو لا یې هم عملي چارې نه دي پیل شوې.

د کابل ښاروالي وایي، له نجات څلي تر چرخ‌آب سیمې پورې د کابل – لوګر لویې لارې د لومړۍ برخې جوړولو چارې بېرته پیل شوې چې د دوو کلونو په موده کې به بشپړې شي.

د ریاست‌الوزراء اقتصادي معاونیت وايي، د پانګونې بین‌الوزارتي کمېټې نوبتي غونډه کې په بغلان ولایت کې د تیرپارک او په مزارشریف ښار کې د یوه سوداګریز مارکېټ جوړولو طرحو ته د تایید نظر ورکړل شو.

د ننګرهار د مرکز جلال‌اباد ښار یو شمېر اوسېدونکي ټینګار کوي چې د سپین جومات جوړولو چارې دې بشپړې شي خو بل لور ته حکومتي مسوولین بیا وايي چې د دغه جومات جوړولو قضیه محاکمو ته تللې ده.

د کابل ښار اتمې ناحیې اړوند د کابل – لوګر سړک په اوږدو کې د بیني حصار له سیمې د ستانکزي تر څلورلارې او له یادې څلورلارې د بګرامیو تر نساجي د نښلوونکي سړک جوړولو چارې د ۳۲۰ میلیون افغانیو په لګښت پیل شوې.

د اروزګان د مرکز ترینکوټ ښار او ګېزاب ولسوالي ترمنځ د غځېدلي سړک د خرابوالي په اړه د پژواک راپور له خپرېدو وروسته اوس د دې لارې د یوې برخې جوړولو چارې پیل شوې.

د رياست‌الوزرا د اقتصادي مرستيال له لوري د ننګرهار په خوږياڼو ولسوالۍ کې د کابل – جلال‌اباد د دویم لین سړک د پاتې برخې چارې پیل شوې.

د بلخ ولایت مرکز مزارشریف ښار کې د څه باندې ۴۰ میلیون افغانیو په لګښت د نږدې یونیم کیلومتر سړک د قیر کولو چارې پیل شوې.

د لوړو زده‌کړو وزارت وايي، د کاپیسا ولایت البیروني پوهنتون کې د یو شمېر پروژو کار پیل او د ۱۸ میليون افغانیو په لګښت د یاد پوهنتون د احاطوي دېوال په ګډون د یو شمېر نورو پروژو چارې بشپړې شوې.