خلک

د دایکنډي ځیني اوسېدونکي د امنیت او سولې د شتون په اړه هیله‌مندي څرګندوي او وايي، دوی د پخوانیو جګړو اصلي قربانیان دي چې اوس کولای شي د سولې تر سیوري لاندې خپل عادي ژوند ته دوام ورکړي.

د غور مرکز فېروزکوه ښار یو شمېر اوسېدونکي په بازارونو کې د خوراکي توکو د بیو له لوړېدو شکایت کوي او وايي چې د پېرلو توان یې نه لري.

د بادغیس یو شمېر اوسېدونکي په دغه ولایت کې د سون‌توکو له لوړې بیې شکایت کوي او وايي، تراوسه یې د ژمي لپاره سون‌توکي نه دي اخیستي.

د خوست د موسی‌خېلو ولسوالۍ اوسېدونکي وايي چې په تېرو شلو کلونو کې په دې ولسوالي هيڅ يوه پروژه نه ده پلې شوې او حکومت له پامه غورځولې ده.

د تخار د درقد ولسوالۍ یو شمېر اوسېدونکي د تګ راتګ پر مهال پر امو سیند د پله له نشتوالي شکایت کوي او وايي، د حکومت د نه پاملرنې له امله له څو کلونو راهیسې د دغه پله پر ځای له دودیزو کښتیو کار اخلي.

وروسته له هغه چې په بلخ کې مشهور جراح ډاکټر اسدالله شارق په یوه هدفي برید کې ووژل شو، د دغه ولایت اوسېدونکي دې پېښې سخت اندېښمن کړي او د دغه ډول بریدونو د مخنیوي غوښتنه کوي.

د هلمند د سنګین ولسوالۍ یو شمېر اوسېدونکي وايي، په تېرو جګړو کې د دوی د وران شوو کورونو په بیارغولو کې دې ورسره حکومت مرسته وکړي.

ځیني کسان د پاسپورټ د وېش په بیا پیل کې له ځنډه سر ټکوي او د ژر پیلېدو غوښتنه یې کوي؛ خو د پاسپورټ ریاست وایي، د پيلېدو کره نیټه یې نه ده معلومه او هڅه کوي چې ژر پیل شي.   

د لوګر د خروار او ازرې ولسوالیو اوسېدونکي شکایت کوي چې روغتیایي خدمتونو ته بشپړ لاسرسی نه لري او خپل ناروغان د درملنې لپاره مرکز پل‌‎علم او یا هم ګاونډیو ولایتونو ته بیايي.

د کندوز یو شمېر اوسېدونکي او فرهنګیان وايي، د دغه ولایت تاریخي ابدې د له منځه تلو له ګواښ سره مخ دي او حکومت باید دې برخې ته جدي پاملرنه وکړي.

د پکتيکا اوسېدونکي وایي، د افغانستان ټول قومونه يو ملت دی، د پرديو دسيسې نه شي کولای دغه ملت د سمت، قوم او ژبې په نوم ووېشي.

د فراه ولایت خلک وايي، د دغه ولایت د فراه‌رود یا ریګي پُله – چې د درېیو ولسوالیو لار له مرکز سره نښلوي – سور کم دی او تر څنګ يې باید بل پُول جوړ شي.