خلک

خلک وايي، د دغه ولایت د مرکز اړوند د بولان پل چې د پخواني پاچا محمدظاهرشاه واکمنۍ پر مهال جوړ شوی، د خلکو اړتياوې نه شي پوره کولای او باید ترڅنګ يې بل پل جوړ شي.

د پکتيکا اوسېدونکي په تروې، وړممۍ او وازې‌خوا ولسواليو کې د ښوونکو له کموالي شکایت کوي او غوښتنه کوي چې د دغو ولسوالیو ښوونځیو ته دې د ښوونکو تشکیل ډېر شي.

له کندهار ښاره ۷۰ کیلومتره لرې ولسوالي «میوند» چې د وروستیو دوو لسیزو جګړو له امله ډېره ځپل شوې؛ د روغتیا، پوهنې او ورته نورو ټولنیزو برخو کې له خدماتو بې‌برخې ده چې اوسېدونکي یې له کړاوه ډک ژوند تېروي.

د فارياب د جنايي جرمونو پر وړاندې د مبارزې مديريت وايي، يو شمېر ناوړه ګټه اخیستونکو د مخابراتي شبکو له شمېرو په استفادې، د دغه ولايت ځیني اوسېدونکي په دې پلمه چې ګواکې لویه جاېزه یې ګټلې، دوکه کړي او ډېرې پیسې یې ترې اخیستې دي.

د هلمند مرکز لښکرګاه په ګډون د دغه ولایت په بېلابېلو سیمو کې هره ورځ ګرځند بازارونه جوړېږي چې زرګونو کسانو ته پکې د کار زمینه برابره شوې ده.

د ننګرهار ولايت د سپين غر ولسوالۍ اوسېدونکي وایي، وروستیو سېلابونو یې څا‌ګانې او کارېزونه له منځه وړي چې له امله یې د څښاک اوبو له کمښت سره مخ دي.

د هلمند مارجې ولسوالۍ خلک وايي، د بغرا کانال وچېدو له امله د دوی کښتونه وچ شوي او د خړوبولو لپاره یې اوبه نه لري.

د بامیان ولایت د برېښنا شرکت مسوولین وایي، که پېرودونکي خپل د برېښنا بېلونه تحویل نه کړي، د برېښنا مزي به یې پرې شي.

هلمند کې یو شمېر بزګر وايي، په دغه ولایت کې باغونو ښه نتیجه ورکړې او له حکومته غواړي چې په دې برخه کې مرسته ورسره وکړي.

د ننګرهار د لعلپورې ولسوالۍ اوسېدونکي د مخابراتي شبکو د خدماتو د کیفیت له ټیټوالي شکایت کوي او وایي، دغې چارې يې ورځنی ژوند له ستونزو سره مخ کړی دی.

د هلمند د یو شمېر لرو پرتو سيمو اوسېدونکي وايي چې په سیمو کې یې مخابراتي شبکې کار نه کوي او له حکومته یې غوښتي چې مخابراتي اسانتیا دې ورته برابره کړي.

د پکتيکا اوسېدونکي او هټۍوال له حکومته غواړي چې د دغه ولايت په مرکز او ولسواليو کې پر پاکستانيو کلدارو راکړه ورکړه بنده او پر ځای یې افغانۍ ترویج کړي.