د پکتیا د ګردې څېړۍ، شواک او وزيځدراڼ ولسوالیو اوسېدونکي شکایت کوي چې په سیمو کې یې د برېښنايي پېژندپاڼو د وېش مرکزونو نشتوالي له امله اړ دي د تذکرو اخیستو لپاره څو ځلې ګردېز ته ولاړ شي.
د پکتیا لجهمنګل ولسوالۍ یو شمېر اوسېدونکي وايي چې مخابراتي خدمتونو ته لاسرسی نه لري او د اړيکې نیولو لپاره اړ دي چې دوه ساعته مزل وکړي او غره ته وخېژي.
د بادغیس ځیني اوسېدونکي ادعا لري چې د برېښنایي پېژندپاڼو د وېش لړۍ په ځنډ مخ ته ځي، خو مسوولین د دې موضوع په رد کولو سره وايي چې هره ورځ د نږدې ۳۰۰ غوښتونکو اسناد طی مراحل کوي.
د پکتیا یو شمېر اوسېدونکي وايي چې د تېر کال په پرتله د لرګیو بیې لوړې شوې او دوی يې د پېرلو وس نه لري.
د فاریاب ځيني اوسېدونکي او مسوولین وایي، نږدې شپږ کاله کېږي چې د میمنې ښار ۳۳ کیلومتره سړکونو جوړولو پروژې د قرارداد تېریږي، خو قراردادي شرکت د دې پروژې کارونه تر اوسه نه دي بشپړ کړي.
د کونړ د غازياباد ولسوالۍ د هیلګل درې یو شمېر اوسېدونکي وایي، د سیمې په روغتیایي مرکز کې یې هیڅ ښځینه ډاکټره نشته چې له امله يې ځینې میرمنې د زیږون پرمهال ژوند له لاسه ورکوي.
د غزني ولایت د اندړو ولسوالۍ د یو شمېر سیمو قومي مشران او دیني علمان وايي په سیمو کې یې یو ښوونځی هم شتون نه لري.
د اروزګان ولایت د خاص اروزګان ولسوالۍ اوسېدونکي وايي چې حکومت دې له دې ولسوالۍ مرکز ترینکوټ ته غځېدلی سړک په اساسي ډول ورغولي.
د هلمند د مارجې ولسوالۍ خلک وايي، د وچکالۍ له امله یې فصلونه او ۵۰ کلن باغونه وچ شوي او که دغه حالت دوام وکړي اړ دي نورو سیمو ته کډې وکړي.
د پاسپورټ عمومي ریاست د کاغذي غوښتنلیکونو له لارې په کابل کې د پاسپورټونو وېشلو لړۍ پیل کړه او وایي چې خلک له دې لارې کولای شي په یوه اونۍ کې پاسپورټ ترلاسه کړي.
د بامیان یو شمېر خلک او کارپوهان د ډبرو سکرو د ډېرې استفادې د منفي اغیزو له امله اندېښمن دي او وايي، د ډبروسکرو پروسس او کارول د تنفسي ناروغیو ډېرېدو او د چاپېریال ککړتیا لامل شوي دي.
د هرات ځيني اوسېدونکي د ژمي په را رسېدو سره د سون توکو په ځانګړي ډول د تېلو او ګازو له لوړې بیې شکایت لري او وایي چې د ډېرې کورنۍ د خراب اقتصادي وضعیت له امله نه شي کولای سون توکي وپېري.
کونړ کې سیمهییزمسوولین وایي چې د دغه ولایت په دوو ولسوالیو کې زرو کسانو ته د پیسو په بدل کې د کار زمینه برابره شوه او له سلګونه راستنو شوو، بېوزلو او د طبیعي پېښو له امله زيانمنو شوو کورنیو سره مرسته وشوه.
لوګر کې یو شمېر خلک ادعا کوي چې شخصي درملتونونه بېکیفیته درمل په لوړه بیه پلوري.
د غزني یو شمېر اوسېدونکي وايي چې په استوګنیزو سیمو کې د صنعتي کارخونو فعالیت هوا ککړه کړې او خلکو ته يې روغتیايي ستونزې رامنځته کړې دي.
د هلمند د اطلاعاتو او فرهنګ ریاست وایي، په تېرو دوو کلونو کې د وچکالۍ له امله د دغه ولایت له څلورو ولسوالیو دوه زره کورنۍ د خپلو سیمو پرېښودو ته اړې شوې دي.
د کابل ښار ۲۲مې ناحيې اړوند د بتخاک کوچياباد سیمې يو شمېر اوسېدونکي وايي چې په دې سيمه کې کوڅهډب سپیان ډېر شوي او خلکو ته یې ستونزې جوړې کړې دي.
د بغلان یو شمېر اوسېدونکي وايي چې برېښنایي تذکره د منل شوو او باوري اسنادو له ډلې ده، خو ترلاسه کول يې څو میاشتې وخت اخلي.
د ننګرهار د مرکز جلالاباد ښار اتمه ناحيه کې د ۱۲ کيلومتره په اوږدوالي د جوړېدونکي ۴۰ متره سړک چارو ځنډ ځايي خلکو ته ستونزې جوړې کړې دي.
د بغلان اوسېدونکي وايي، په هېواد کې د ډالرو بیې له لوړوالي سره ډېر ژر د خوراکي توکو بیې هم لوړېږي، خو له ښکته کېدو سره يې بیا د خوراکي توکو نرخونه نه ټيټېږي.
د بادغیس یو شمېر اوسېدونکي د دغه ولایت ولسوالیو ته د برېښنا غځولو په برخه کې د تېر حکومت پر بېغوري د نیوکې ترڅنګ، له اسلامي امارته غواړي څو د دې ستونزې حل ته پاملرنه وکړي.
د میدان وردګو روغتيايي سرچینې وايي چې په دغه ولایت کې په تېرو ۲۴ ساعتونو کې ۲۰ کسان چې ډېری ماشومان دي، لېوني سپیانو داړلي دي.
د فراه ګلستان ولسوالۍ یو شمېر خلک وايي، دوی هیڅ پوخ سړک نه لري، او له حکومته غواړي چې د دې ولسوالۍ لار له کندهار- هرات لویې لارې سره - چې ورسره ۶۰ کیلومتړه واټن لري- ونښلوي.
د کندهار نېښ ولسوالۍ یو شمېر اوسېدونکي روغتیايي خدماتو له نه لاسرسي شکایت کوي او وايي، په دې ولسوالۍ کې یوازې یو روغتیايي مرکز دی چې امکانات یې کم دي او ټولو خلکو ته خدمات نه شي وړاندې کولی.
