غلا

بامیان کې امنیتي مسوولین وایي چې د دغه ولایت په مرکز کې د غلو یوه پنځه کسیزه ډله نیول شوې ده.

د کابل امنیې قوماندانۍ د موټرچلوونکو د فرېب او د هغو د موټرو د غلا په تور د ۶ ښځو او ۴ نارینه‌وو د نیول کېدو خبر ورکوي.

د کورنيو چارو وزارت وايي چې په کابل ښار کې د مبایلونو د غلا په تور یوه اته کسیزه ډله نيول شوې ده.

بلخ کې مسوولین وایي، د دغه ولایت په بلخ ولسوالۍ کې له یوه چینایي سیلاني مبایل غلا شوی و خو له دوو ساعتونو وروسته بېرته پیدا او ورسپارل شوی او د غلا په تور یې دوه کسان نيول شوي دي.

د کابل امنیه قومانداني وايي، امنیتي ځواکونو هغه کس نیولی چې له یو کوره یې ۸۰۰۰ امریکایي ډالر او  د ۷۰۰ زره افغانیو په ارزښت سره زر غلا کړي وو.

تخار کې یو شمېر زرګران د اندېښنې په څرګندولو سره وايي، نن سهار دوه وسله‌وال د دغه ولایت په مرکز تالقان ښار کې یوې زرګرۍ ننوتل او د درې میلیون افغانیو په ارزښت سره زر یې یووړل.

د کابل امنیه قومانداني وایي،  ۱۴ کسان یې د پیسو او موبایلونو او دوه نور یې له یوه کس څخه د اتیا زره افغانیو د غلا په تور نیولي دي.

د کاپیسا امنیه قوماندانۍ د غلا په تور د څلورو کسانو د نیول کېدو خبر ورکړی دی.

د کابل امنیه قومانداني وایي، هغه پنځه کسان یې نیولي چې له یوه شرکته يې څه باندې ۵۰۰ بایلرونه غلا کړي وو.

د هرات امنیتي مسوولین وایي چې په دغه ولایت کې یې یوه ښځه د خسره له کوره د پیسو د غلا په تور نیولې ده.

د کابل امنیتي مسوولین وایي، د کابل ښار په درېیمه امنیتي حوزه کې دوه کسان د جعلي پاسپورټونو جوړولو او یو بل د غلا په تور نیول شوي دي.

د استخباراتو ریاست وایي، امنیتي ځواکونو په بغلان کې یو کس له ۲.۴ میلیون غلا شویو افغانیو سره نیولی او په پکتیکا کې یې له یوه کوره په ناقانونه ډول ساتل شوې سپکې او درنې وسلې ترلاسه کړې دي.