غونډه

په بهرنیو چارو کې د قطر د دولت وزیر له افغان چارواکو سره په لیدنو کې ویلي چې د اسلامي امارت د استازي په شتون کې به د دوحې درېیمه غونډه معلومې پایلې ولري خو افغان چارواکي ټینګار کوي چې په غونډه کې د ګډون لپاره باید د ا.ا شرطونه ومنل شي.

د م.م امنیت شورا غونډه کې، ایران پر اسرائېلو برید د ځاني دفاع مشروع حق بللی، اسرائیلو د غچ اخیستو ګواښ کړی، روسیې امنیت شورا په توپیري چلند تورنه کړې او ګوتریش پر ټولو غږ کړی چې د حالت د ترينګلي کېدو مخه ونیسي.

د راپورونو له مخې، د ملګرو ملتونو امنیت شورا به نن یکشنبه پر اسرائیلو د ایران د برید د څېړلو په اړه غونډه وکړي.

د افغانستان بهرنیو چارو وزارت وایي چې د صنعت او سوداګرۍ وزارت سرپرست او د سوداګرۍ خونې رییس د «کازان» راتلونکې غونډې ته بلل شوي دي.

د کابل پوهنتون د ځمک‌پوهنې پوهنځي د هایډرولوژي څانګې د معلوماتو له مخې، تېرو څلورو لسیزو کې د افغانستان د اوبو سرچینې د اقلیمې بدلونونو له امله له خطر سره مخ شوې دي او دغه راز په تېرو پنځو کالونو کې کابل کې د ځمکې لاندې اوبو کچه په منځني ډول ۱۵ متره ټېټه شوې ده.

د ملګرو ملتونو د نشه‌يي توکو او جرمونو پر وړاندې د مبارزې ادارې پخوانی اجرائیوي ریيس وايي، په نږدې راتلونکي کې په کابل کې نړۍوال کنفرانس جوړوي او د دغه کنفرانس له لارې افغان بزګرانو ته د بدیلو کښتونو وړاندې کولو برخه کې د نړۍوالو مالي ملاتړ راجلبوي.

د امریکا د کانګرېس د بهرنیو اړیکو کمیټې اعلان کړی چې د زلمي خلیلزاد په شتون کې د «بایډن د دولت له لوري د دوحې تړون نه پلی کېدو څرنګوالي» په اړه غونډه کوي.

د افغان – ټرانس ریل پټلۍ پروژې څلورمه غونډه د ازبکستان په پلازمېنه تاشکند ښار کې ترسره شوه او قطر په دغه پروژه کې د ګډون او پانګونې لپاره لېوالتیا ښودلې ده.

کابل کې د ګاونډیو او سیمه‌ییزو هېوادونو ځانګړو استازو او سفیرانو په ګډون «افغانستان د سیمه‌ییزې همکارۍ ابتکار» تر عنوان لاندې غونډه پیل شوه.

د افغانستان لپاره د روسیې ځانکړی استازی وايي چې د روانې میلادي میاشتې تر پایه روسيه، چین، ایران او پاکستان د افغانستان په اړه یوه ‎غونډه جوړوي.‎

د سرحدونو، قومونو او قبایلو چارو سرپرست وزیر کابل کې له خلکو سره د همغږۍ په موخه جوړه شوې غونډه کې د ملي یووالي پر ساتلو ټینګار وکړ، ویې ویل چې د خلکو غوښتنو او ستونزو ته حل‌لارې پیدا کوي.

د افغانستان یو شمېر سیاسیونو او د پخواني جمهوریت چارواکو په مسکو کې غونډه کړې ده.