لغمان

د اوبو او برېښنا وزارت وایي، د لغمان ولایت په الینګار ولسوالۍ کې د اته میلیون امریکایي دالرو په لګښت د شاهي کانال پروژې د لومړي فاز چارې پیل شوې.

د لغمان د کډوالو او راستنېدونکو چارو ریاست وایي، د دغه ولایت په مرکز مهترلام ښار کې داخلي بې‌ځایه شوو، بېرته راستنو شوو او نابینایانو لپاره یو ښوونیز مرکز جوړ او نن پرانیستل شو.

د لغمان ولایت سیمه‌ییز مسوولین وایي چې د دغه ولایت قرغیو ولسوالۍ اړوند قلعه ټکه نواباد سیمه کې ۱۴ کورنیو د «پیریانو» له لاسه خپل کورونه پرېیښي دي.

د لغمان امنیه قوماني وایي چې په دغه ولایت کې تښتول شوی یو ماشوم یې له تښتوونکو ژغورلی او د تښتولو په تړاو یې د یوې ښځې په ګډون ۱۱ کسان نیولي دي.

لغمان کې ځايي مسوولین وایي، د دغه ولایت مرکز او درېیو ولسوالیو کې د تېرې ورځې او شپې ورښتونو او سېلابونو له امله څلورو کسانو ته مرګ‌ژوبله اوښتې، سلګونه جریب کرنیزه ځمکه تخریب شوې او نږدې ۵۰ کورونو زیانمن شوي دي.

لغمان کې مسوولین وايي چې د دغه ولایت په الینګار ولسوالي کې دوه کارګر ماشومان د کار پر مهال تر پاڼ لاندې شوي او ژوند یې له لاسه ورکړی دی.

د لغمان امنیې قوماندانۍ مسوولین وایي، تېره شپه یې د دغه ولایت د قرغیو ولسوالۍ سرخکانو سیمه کې په یوه فیلډر موټر کې ۵۵ کیلوګرامه شیشه نیولې او په تړاو یې دوه کسان هم نیول شوي دي.

د لغمان د کډوالو او راستنېدونکو چارو ریاست مسوولین وایي، دغه ولایت کې له کډوالۍ تازه راستنو شوو نږدې دوه سوو کسانو ته د اوږدمهاله کاروبار زمینه برابره شوې ده.

لغمان کې سیمه‌ییز چارواکي وایي چې د دغه ولایت په مرکز مهترلام کې د اته میلیون افغانیو په لګښت د یوې پروژې چارې بشپړې او د دوو نورو پروژو چارې پیل شوې.

د لغمان امنیه قومانداني وایي، تېر ماښام د کابل – جلال‌اباد پر لویه لار د لغمان ولایت د قرغیو ولسوالۍ په مربوطاتو کې د ترافیکي پېښې له امله یوه ماشومه مړه شوې او اووه کسان نور ټپيان شوي دي.

د لغمان د الینګار ولسوالۍ اړوند د کلمان درې قومي مشرانو پرېکړه کړې چې له دې وروسته هیڅ څوک نشي کولی پر نجونو له ۱۵ زره افغانیو لوړ ولور واخلي.

د لغمان د الینګار ولسوالۍ اړوند د ساو درې اوسېدونکي شکایت کوي چې مخابراتي خدماتو ته لاسرسی نه لري او دې برخه کې له ستونزو سره مخ دي.