ماشومان

د فراه روغتیايي مسوولین وايي چې د سږ کال په لومړیو درېیو میاشتو کې په دغه ولایت کې ۲۶۸۶ ماشومان په خوارځواکۍ اخته شوي چې د تېر کال په پرتله ډېروالی ښیي.

د ملګرو ملتونو اړوندې ادارو د انساني قاچاق پر ضد مبارزې د نړۍوالې ورځې په مناسبت ویلي چې لا هم د انساني قاچاق یو پر درېیمه برخه قربانیان ماشومان دي خو په شمېر کې یې ۱۱ سلنه کموالی راغلی.

د هلمند ځایي مسوولین وايي، تېره ورځ د دغه ولایت په نادعلي ولسوالۍ کې دوه ماشومان د اوبو لویې ویالې ته له لوېدو وروسته مړه شوي دي.

د ماشومانو خوندیتوب سازمان ویلي، اټکل کېږي چې د ۲۰۲۳ کال له اکتوبره تر اوسه په غزه کې لږ تر لږه ۲۱ زره ماشومان ورک شوي دي.

د ملګرو ملتونو له ماشومانو د ملاتړ صندوق یا یونیسف وايي، غزه کې له هرو لسو ماشومانو نهه یې کافي خوړو ته لاسرسی نه‌لري.

په بادغیس کې ځایي سرچینې وايي چې د دغه ولایت په بالامرغاب ولسوالۍ کې دوه ماشومان په اوبه کې د ډوبېدو له امله مړه شوي دي.

اروزګان کې یو ۵۷ کلن سړی له څلورو ښځو ۵۲ اولادونه لري خو د بېوزلۍ له امله د درېیو خونو په یوه کرایي کور کې ژوند کوي.

د لوګر حکومتي مسوولین وایي چې په دغه ولایت کې دوه ماشومان د سیند اوبو کې د ډوبېدو له امله مړه شوي دي.

د کاپیسا د امنیه قوماندانۍ ویاند وايي، د دغه ولایت د محمودراقي ښار لومړۍ حوزې په مربوطات کې یوه ناپېژانده کس د ښکاري ټوپک په ډزو یوه مور او د هغې دوه ماشومان وژلي دي.

د خوړو نړۍوال پروګرام (ډبلیواېف‌پي) وايي، اوسمهال په افغانستان کې درې ميليونه ماشومان پر خوارځواکۍ اخته دي او دوی یوازې د یو میلیون ماشومانو درمنله کولی شي.

د افغاني سره میاشتې ټولنې د زړه سوري پر ناروغۍ اخته ۴۰ ماشومان د درملنې په موخه کابل کې څلورو روغتونونو ته ورپېژندلي دي.

اروزګان کې د ښوونځیو کمښت له امله څه باندې ۸۰ زره ماشومان له زده‌کړو پاتې دي، او مسوولین د ښوونځیو جوړېدو لپاره له نړۍوالو مرستندویه ادارو د همکاري غوښتنه کوي.