مرستو

له پاکستانه فراه ته راستنې شوې یو شمېر کورنۍ وایي، د ژمي لپاره جامې او سون‌توکي نه لري خو بلخوا مسوولین بیا د هغوی دې ستونزې ته د ژر رسېدنې خبره کوي.

د بادغیس یو شمېر اوسېدونکي ادعا کوي چې دغه ولایت کې بشري مرستې په غیرعادلانه ډول وېشل کېږي، ‎خو مسوولین وايي چې تر اوسه یې په دې اړه کوم شکایت نه دی ثبت کړی او د سرغړوونې په صورت کې به له سرغړوونکو سره قانوني چلند کېږي.

هلمند کې مېشت یو شمېر کوچیان د ژمي رارسېدو ته اندېښمن دي او وايي چې د وروستیو وچکالیو له امله يې خپله ډېره برخه مالداري له لاسه ورکړې او اوس د دې توان نه لري چې د خپلو کورنیو اړتیاوې پوره کړي.

د خوړو نړۍوال پروګرام افغانستان کې راتولونکي ژمي کې د مرستو لپاره د ۴۰۰ میلیون ډالرو غوښتنه کړې ده.

افغان او چیني چارواکو د دواړو هېوادونو ترمنځ د ډیپلوماتیکو اړیکو پر لا پیاوړتیا خبرې کړې او دغه راز چین له راستنېدونکو افغان کډوالو سره مرستو ته چمتووالی ښودلی دی. 

د ملګرو ملتونو د امنيت شورا د مرستيال ځانګړي استازي د ننګرهار ولايت اړوند تورخم ښارګوټي کې له پاکستانه د راستنېدونکو کډوالو د وضعيت ليدنې پر مهال له هغوی سره د اوږدمهاله او لنډمهاله مرستو ژمنه وکړه.

په تورخم کې له پاکستانه راستانه شوي يو شمېر کډوال وايي، تورخم کې دې د دوی د ثبت او ورسره د مرستو لړۍ چټکه شي.

په تورخم ښارګوټي کې له پاکستانه راغلي کډوال وايي چې د پاکستان حکومت له لوري په زور ایستل شوي، دا مهال له ستونزو سره مخ دي او بېړنیو مرستو ته اړتيا لري.

د کډوالو او بېرته راستنېدونکو چارو وزارت سرپرست وایي، له افغانستان سره مرستې ډېرې اعلانېږي، خو مثمره پایله یې نه تر سترګو کېږي، مرستې د موسسو په اداري لګښتونو او بې‌ضرورته پروژو مصرفېږي.

فراه کې مسوولین وايي، له شاوخوا یوې اونۍ راهیسې دغه ولایت ته له هراته د زلزلې له وېرې ور کډه شوې سلګونه کورنۍ د بېړنیو مرستو غوښتنه کوي.

په کابل کې د ترکیې سفارت شارژدافیر په هرات کې د دغه هېواد له میشت سرقنسول سره په ګډه د دغه ولایت له زلزله‌ځپلو سیمو لیدنه وکړه او سلګونو زیانمنو شوو کورنیو ته یې د خوراکي او غیرخوراکي توکو مرستې وېشلې دي.

د کډوالو چارو وزارت یوه چارواکي، د پاکستان له خوا د افغان کډوالو په زور ایستل د نړۍوالو قوانینو خلاف بولي او د کډوالو په چارو کې د ملګرو ملتونو له عالي کمېشنرۍ غوښته کوي چې د بېرته راستنېدونکو وضعیت ته د رسېدنې په موخه له افغانستان سره مرسته وکړي.