ډوبېدو

د نورستان سیمه‌ییز مسؤولین وایي، د دغه ولایت په نورګرام ولسوالۍ کې یوه ۱۳ کلنه نجلۍ په سیند کې ډوبه شوې او ژوند یې بایللی دی.

د راپورونو له مخې، له موريتانيا څخه اسپانیا ته تلونکې يوه کښتۍ د مراکش له ساحل سره نږدې ډوبه شوې چې ۴۴ کسان په‌کې مړه شوي او ګومان کېږي پاکستانیان دي.

نړۍوالو رسنیو راپور ورکړی چې د مراکش په سواحلو کې د کډوالو یوې کښتۍ ډوبېدو له امله لږ تر لږه ۶۹ کسان مړه شوي دي.

نایجریایي چارواکو اعلان کړی چې د دغه هېواد د نایجر په سیند کې د کښتۍ ډوبېدو له امله لږ تر لږه ۲۷ کسان مړه او څه باندې سل نور لادرکه شوي دي.

د هسپانیې چارواکو ویلي، د دغه هېواد «کنري ټاپوګانو» سیمې سره نږدې د کډوالو یوه کښتۍ چپه شوې چې له امله یې لږ تر لږه نهه کسان مړه شوي او ۴۸ نور تري تم شوي دي.

بدخشان کې ځایي مسوولین وايي، د دغه ولایت د پوهنتون یو محصل کوکچه سیند کې د لامبو پر مهال ډوب شوی او ژوند یې له لاسه ورکړی دی.

د کابل یو اوسېدونکی ۲۳ کلن ځوان چې له خپلو ملګرو سره کاپیسا ته تللی و، د دغه ولایت په ګلبهار سیمه کې په سیند کې د لامبو پر مهال ډوب او مړ شوی دی.

د پژواک موندنې ښیي چې د روان لمریز کال له پیله تر اوسه د افغانستان په ۱۵ ولایتونو کې ۵۰ کسان چې ۹۰ سلنه یې ځوانان او ماشومان دي، په اوبو کې د ډوبېدو له امله مړه شوي دي.

د بدخشان ځایي مسوولین وایي، یو ۱۸ کلن ځوان چې تازه له ترکیې څخه هېواد ته راغلی و، د دغه ولایت په کوکچې سیند کې د لامبو وهلو پر مهال ډوب او مړ شوی دی.

د ننګرهار حکومتي مسوولین وایي چې په دغه ولایت کې یو کس د سیند اوبو کې د ډوبېدو له امله مړ شوی دی.

د بادغیس امنیه قومانداني وایي، د دغه ولایت په مرکز او بالامرغاب ولسوالۍ کې دوه کسان د لامبو پر مهال اوبو کې دوبېدو له امله مړه شوي دي.

بامیان کې ځايي مسوولین وايي چې د دغه ولایت د سیغان ولسوالۍ په مربوطاتو کې یوه ۱۴ کلنه نجلۍ اوبو کې د ډوبېدو له امله مړه شوې ده.