نایجریا کې د کښتۍ ډوبېدو له امله لږ تر لږه ۲۷ کسان مړه شوي

<p style="text-align: justify;">کابل (پژواک، ۱۰ لېندۍ ۱۴۰۳): نایجریایي چارواکو اعلان کړی چې د دغه هېواد د نایجر په سیند کې د کښتۍ ډوبېدو له امله لږ تر لږه ۲۷ کسان مړه او څه باندې سل نور لادرکه شوي دي.</p>

<p style="text-align: justify;"><strong><a href="https://www.reuters.com/world/africa/dozens-feared-dead-nigeria-boat-accident-2024-11-29/#:~:text=ABUJA%2C%20Nov%2029%20(Reuters),management%20agency%20said%20on%20Friday.">رویټرز</a> </strong>د نایجریا ځايي چارواکو له قوله راپور ورکړی، یادې کښتۍ چې شاوخوا ۲۰۰ سپرلي یې درلودل له کوګي ایالت څخه ګاونډي ایالت ته روانه وه.</p>

<p style="text-align: justify;">د کوګي ایالت د بېړنیو خدماتو ویاند سندرا موسی وویل، ژغورونکو وکولای شول چې د جمعې تر ماښامه له سیند څخه ۲۷ مړي راوباسي، په داسې حال کې چې ځایي مرسته‌کوونکي لا هم د نورو کسانو په لټه کې دي.</p>

<p style="text-align: justify;">هغه ویلي، په یاده پېښه کې لږ تر لږه ۲۷ کسان مړه او څه باندې سل نور ورک شوي دي.</p>

<p style="text-align: justify;">چارواکو تر اوسه د یادې کښتۍ ډوبېدو په اړه څه نه دي ویلي خو ځايي سرچینې یې لامل له حده ډېر بار بللی دی.</p>

<p style="text-align: justify;">د یادونې ده، نایجریا کې له حده ډېر بار، نا امنه تګلارو او په باراني موسم کې د سختو سېلابونو له امله د کښتیو ډوبېدو پېښې رامنځته کېږي.</p>