ښځو

د لغمان د صنعت او سوداګرۍ ریاست مسوولین وایي، د دغه ولایت په مرکز او درېیو ولسوالیو کې ۱۴۰ اړمنو ښځو ته د کاري فرصتونو رامنځته کولو په موخه بېلابېلو برخو کې پنځه‌ کارخونې پرانیستل شوې دي.

د خوړو نړۍوال پروګرام اعلان کړی چې د افغان ښځو د ځان بسیاینې لپاره یې په ټول افغانستان کې د خیاطۍ زده‌کړې پروګرامونه پیل کړي دي.

نیمروز کې یو شمېر میندې وايي، د دې لپاره چې د خپلو کورنيو له خوا له تاوتریخوالي سره مخ نه شي، د امېدوارۍ پر مهال یې د نجلۍ جنینیونه سقط کړي دي.

هرات کې یوې مېرمنې د خیاطۍ کارګاه په جوړولو سره دغه ولایت کې ۴۰ بې‌وزلو ښځو ته د کار زمینه برابره کړې ده.

په جوزجان کې یوې مېرمنې د لاسي صنایعو او سنیو اوبدولو دوو کارخونو په جوړولو سره د دغه ولایت ۱۷۰ کونډو او بې‌وزله مېرمنو ته د کار زمینه برابره کړې ده.

د جوزجان په مرکز شبرغان ښار کې د لاسي توکو یو شمېر ښځینه پلورونکې د خپلو توکو پلورلو لپاره د مناسب ځای له نشتوالي شکایت کوي، خو د شبرغان ښاروالي وايي، هڅه کوي څو دغو ښځو ته مناسب او وړیا ځای پیدا کړي.

هرات کې د ښځو یوازېني ځانګړي رسټورانټ مسووله وایي چې د دغه رسټورانټ په جوړولو سره یې څو نورو مېرمنو ته هم د کار زمینه برابره کړې ده.

پخواني ولسمشر غني هېواد کې د ښځو ژوند ته پر «جدي پاملرنې» ټینګار کوي او وايي، د ننګونو راکابو کېدو لپاره دې لومړیتوبونه مشخص او له ایران او پاکستان سره چې د خبرو بنسټ اېښودلی شوی، هغو مذاکرتو ته دې دوام ورکړل شي.

تخار کې یوه ځوان د دغه ولایت په مرکز تالقان ښار کې د غالۍ‌اوبدنې یوه کارګاه جوړه کړې چې په کې ۴۰ ښځې پر کار بوختې دي.

د فراه د اطلاعاتو او فرهنګ ریاست وایي، د دغه ولایت په مرکز او پشترود ولسوالۍ کې د ښځو په ګډون۲۰۰ کسان له بېلابېلو حرفوي زده‌کړو فارغ شول.

جوزجان کې یوې مېرمنې چې د خیاطي کارګاه جوړولو له لارې یې لسګونه ښځو ته د کار زمینه برابر کړې، له کورنیو وغوښتل چې د خپلو لوڼو د وړتیاوو پر وړاندې خنډ ونه ګرځي.

بلخ کې د ۲۲۵ زره امریکايي ډالرو په لګښت د ښځو اړوند ۱۵ بېلابېلو کارخونو ته د لمریزې برېښنا سیسټم جوړ شو.