کابل

د سوک‌وهنې د مسلمان افسانوي لوبغاړي محمدعلي کلي مېرمن خلیله کلي او ورسره مل پلاوی نن کابل ته راغلل.

د کابل امنیې قوماندانۍ ویاند وایي، د سینمای‌پامیر په سیمه کې د تېرې ورځې د چاودنې د چاودېدونکو توکو لېږدوونکی کس – چې له امله یې۱۱ تنه ټپیان او یو ماشوم وژل شوی – په ټپي حالت کې نیول شوی دی.

کابل ښار کې د جوګي قوم یو شمېر کورنۍ له سرپرست حکومته د کورونو لپاره د ځمکو غوښتنه کوي، له دغو جوګیانو یو وایي: «د ډوډۍ سوالګر خو یو خو د کور سوالګر دې نه یو.»

د کابل د پاورلفټېنګ ریاست وایي چې د کابل ښار له شپږو کلبونو څخه د ۹۰ ورزشکارانو ترمنځ د پاورلفټېنګ سیالۍ پیل شوې.

ستره محکمه وایي چې په کابل او خوست ولایتونو کې ۱۴ کسانو ته د بېلابېلو جرمونو له امله تعزیري سزا ورکړل شوه.

په کابل کې د ۱۲ ولایتونو لوبډلو ترمنځ د باسکټبال ملي لوبډلې ته د غوره لوبغاړو د ټاکلو په موخه ملي سیالۍ پیل شوې.

په کابل کې د اتو ولایتونو د لوبډلو ترمنځ د فوټسال سیالۍ نن پیل شوې چې دوه ورځې به دوام ولري.

د کابل ښار یو شمېر خلک په هوټلونو کې د ودونو مراسمو ته د نابللو کسانو له ورتګه شکایت کوي، بلخوا، د چارو پوهان په دغه ډول مراسمو کې د نابللو کسانو ګډون «ناسم فرهنګ» بولي او وايي، حکومت باید د دې ستونزې هواري لپاره یو میکانيزم رامنځته کړي.

په کابل کې د ۱۴ ولایتونو د ۲۸۱ ورزشکارانو تر منځ د آشي هارا کاراټې ملي لوبډلې ته د غوره لوبغاړو د غوراوي په موخه ملي سیالۍ پیل شوې.

د افغاني سرې میاشتې ټولنه وايي، د سوري زړه پر ناروغۍ اخته ۱۳ ماشومان یې په کابل کې د درملنې په موخه دوو روغتونونو ته ورپېژندلي دي.

د صنعت او سوداګرۍ وزارت وایي، د امام ابوحنیفه درېیم نندارتون چې تر دوو راتلونکو ورځو به په کابل کې جوړ شي، داخلي او بهرني متشبثین او سوداګر به خپل محصولات په کې نندارې کېږدي.

د کابل ښار له ۱۵ کلپونو څخه د ۱۰۰ ورزشکارانو ترمنځ د جمناستیک ملي لوبډلې ته د لوبغاړو د غوراوي سیالۍ پیل شوې.