کندهار

کندهار کې ځایي مسوولین وايي، د کندهار ښار ځینو ناحیو او ولسوالیو کې په تېرو درېیو ورځو کې ورښتونو او سېلابونو خلکو ته ځاني او مالي زیانونه اړولي دي.

د اروزګان او دایکنډي ځایي مسوولین وایي، د واورې ورښت له امله یې له ګاونډیو ولایتونو او ولسوالیو سره نښلېدونکې لارې تړل شوې دي.

د کندهار د کار او ټولنیزو چارو ریاست مسوولین وایي، روان کال کې یې په دغه ولایت کې بهرنیو وګړو ته په بېلابېلو برخو کې د فعالیت ۵۷ جوازونه ورکړي دي.

د افغانستان کرکټ بورډ وایي چې د زونونو په کچه د معلولیت لرونکو لوبغاړو ترمنځ د راتلونکې مارچ میاشتې په لومړۍ نېټه په کندهار کې د کرکټ شل‌اوریزه سیالۍ پیلېږي.

د کندهار د کوز شاولیکوټ ولسوالۍ اوسېدونکي شکایت کوي چې په ولسوالۍ کې یوازېني روغتیایي مرکز ته ساعتونه مزل کوي.

ندهار ته له پاکستانه راستنې شوې کورنۍ شکایت کوي چې د اوسېدو لپاره خپل کورونه نه لري او زیاتوي، په کرایه کورونو کې اوسېدول ورته ستونزمن دي؛ ځکه اوزګار دي او د کورونو کرایې لوړې دي.

د کندهار د عامې روغتیا ریاست وايي، جاپان هېواد د دغه ولایت د عامې روغتیا له ریاست سره د ۴۵۰ زره امریکایي ډالرو په ارزښت د شپږ امبولانسونو مرسته وکړه.

د اسلامي امارت له لوري هېواد کې د کوکنارو پر کښت له کلک بندیز سره سره بیا هم د کندهار په یو شمېر ولسوالیو کې کوکنار کرل شوي چې تازه یې د له منځه وړلو کمپاین پیل شوی دی.

مسوولین وايي چې یو کس په کندهار کې او یو ماشوم په جوزجان کې د انسان‌تښتوونکو له منګولو وژغول شول او په تړاو یې درې کسان نیول شوي دي.

مسوولین وایي، د کندهار په ۱۹ ولسوالیو کې د کرنې او مالدارۍ وزارت له خوا یو – یو د اوبو چیکډېم جوړيږي چې پېل یې د ښکته شاولیکوټ ولسوالۍ څخه وشو.

کندهار کې د جاپان هېواد په مالي مرسته، د سره صلیب او افغاني سرې میاشتي ټولنې په همکارۍ سل مېرمنو ته د جامو ګنډلو برخه کې د زده‌کړو څلورمیاشتنی پروګرام پای ته ورسېد.

د کندهار د کار او ټولنیزو چارو ریاست وایي، د دغه ولایت له مرکز کندهار ښاره یې څه باندې ۳۰۰ یتیم او بې‌سرپرسته ماشومان ټول کړي او په دارالایتام کې یې د اوسېدو او زده‌کړو زمینه ورته برابره کړې ده.