یوناما

ملګري ملتونه وایي، خبریالان باید وکولای شي په ټوله نړۍ کې «له وېرې او تبعیض» پرته راپورونه وړاندې کړي او ا.ا ویلي، له ټولو هغو رسنیو ملاتړ کوي چې د شریعت په چوکاټ کې فعالیت کوي.

د یوناما مشرې د کډوالو وزارت له سرپرست سره په لیدنه کې ویلي، هڅه کوي څو له اسلامي امارت سره په ګډه د کډوالو ستونزو ته د رسېدو برخه کې اغېزناک کار وکړي.

بهرنیو چارو وزارت پر څلورو کسانو د قصاص حکم پلي کېدو په اړه د یوناما څرګندونو ته په غبرګون کې ویلي، د اسلامي شريعت پر احکامو د نقد جسارت يو غيرمسؤولانه، د يوناما د ماموريت خلاف او د نه زغم عمل دی او باید تکرار نه شي.

د یوناما مشرې، افغانستان کې تر شپږم ټولګي پورته د نجونو زده‌کړو د ځنډېدو پر دوام خواشيني څرګنده کړې ویلي یې دي چې دغه چاره د افغانانو سوکالي زیانمنوي او نړۍوال دې د پوهنې برخه کې له افغانانو ملاتړ وکړي.

په افغانستان کې د یوه بل کال لپاره د یوناما د فعالیت له غځېدو سره هم‌مهاله، د اسلامي امارت ویاند وايي چې دغه بنسټ باید د افغانستان، ملګرو ملتونو سازمان او نورو هېوادونو ترمنځ د اړیکو پیاوړتیا لپاره هڅه وکړي.

د ملګرو ملتونو امنیت شورا اعلان کړی چې سبا (دوشنبه) به د هغه پرېکړه‌لیک په اړه رای اچونه وکړي چې په افغانستان کې د دغه سازمان د استازولۍ (یوناما) ماموریت د راتلونکي مېلادي کال د مارچ تر ۱۷مې غځوي.

د اسلامي امارت ویاند وايي چې په افغانستان کې د یوناما ماموریت اغېزناک نه و او دغه بنسټ تل هڅه کړې چې د افغانستان په اړه منفي راپورونه وړاندې کړي.

د یوناما مرستیال د لوړو زده‌کړو وزارت له سرپرست سره په لیدنه کې ویلي چې د افغانستان تحصیلي بنسټونو پیاوړتیا لپاره د لابراتواري توکو او وسایلو برابرولو او بهرني او افغاني استادانو د جذب برخو کې همکاري کوي.

د یوناما مشرې د اسلامي همکاریو سازمان له استازو سره په لیدنه کې ویلي چې د افغان نجونو او ښځو پر وړاندې د زده‌کړو او کار بندیزونه به په راتلونکي کې اوږدمهاله زیانونه ولري.

یوناما او د افغانستان د کورنیو چارو وزارت وایي، په کابل کې د یوناما په کمپلېکس کې ډزې شوې او له امله یې د اسلامی امارت یو امنیتي کس خپل ژوند له لاسه ورکړی او د یوناما یو کارکوونکی ټپی شوی دی.

د زده‌کړو له نړۍوالې ورځې سره هم‌مهاله یوناما افغانستان کې له شپږم ټولګي پورته او په پوهنتونونو کې د نجونو پر زده‌کړو د بندیز په اړه اندېښنه څرګنده کړې او له اسلامي امارته یې غوښتي څو دا بندیز لرې کړي.

مالیزیا کې افغان سفیر د ملګرو ملتونو د سیاسي استازولۍ (یوناما) له مشرې سره د دغه بنسټ له لارې له افغانستان سره د مالیزیا د همکاریو پر زیاتوالي خبرې کړې دي.