بدخشان

بدخشان کې ځايي مسوولین وايي چې د دغه ولایت د اشکاشم – شغنان ولسوالیو پر لاره د ترافیکي پېښې له امله څلور کسان مړه او دوه نور ټپیان شوي دي.

د بدخشان یو شمېر اوسېدونکي وايي، د پستې ځنګلونو ساتنې او مراقبت او د ډېرو ورښتونو له امله په دغه ولایت کې د پستې ونو ډېر بار نیولی او هیله‌من دي چې ښه حاصلات راټول کړي.

د بدخشان سیمه‌ییز مسوولین وايي، د دغه ولایت په راغستان ولسوالۍ کې د دوو کلیو تر منځ ۳۲ کلنه دښمني چې ۱۵ کسانو ته پکې مر‌ګ‌ژوبله اوښتې وه، پای ته ورسېده.

بدخشان کې امنیتي سرچینې وايي، د دغه ولایت د مرکز فیض‌اباد ښار څلورمې امنیتي حوزې مربوطاتو کې په یوه کور کې د اورلګېدنې له امله چاودنه شوې او یو کس یې وژلی دی.

د نږدې لس میلیون افغانیو په لګښت په بدخشان کې د اوبو یوه شبکه ګټې اخیستنې ته وسپارل شوه او په فراه کې د یوې بلې د جوړولو چارې پيل شوې.

د سرحدونو، قومونو او قبایلو چارو وزارت وایي چې یوه پلاوي یې د بدخشان په درېیو ولسوالیو کې د ډيورنډ فرضي کرښې او رسمي سرحدونو ارزونه کړې ده.

بدخشان کې ځايي مسوولین وایي، د دغه ولایت په جرم ولسوالۍ کې د سېلابونو راوتلو له امله لسګونه څاروي تلف شوي، کرنیزې ځمکې، یو کوچنی د برېښنا بند او د اوبو کانالونه ویجاړ شوي دي.

د بدخشان ځایي مسوولین وایي، یو ۱۸ کلن ځوان چې تازه له ترکیې څخه هېواد ته راغلی و، د دغه ولایت په کوکچې سیند کې د لامبو وهلو پر مهال ډوب او مړ شوی دی.

د بدخشان امنیتي سرچینې وایي چې د روان کال تېرو درېیو میاشتو کې د دغه ولایت په مرکز او ولسوالیو کې د ترافیکي پېښو له امله د ښځو او ماشومانو په ګډون ۱۲۱ کسانو ته مرګ‌ژوبله اوښتې ده.

د بدخشان مسوولین وايي چې د دغه ولایت په شهر بزرګ ولسوالۍ کې د خوارځواکۍ درملنې مرکز جوړ شو او د پرسونل او طبي تجهیزاتو په درلودو دې ته چمتو دی چې پر خوارځواکۍ اخته ماشومان ومني.

بدخشان کې د امو په نوم یوې سیمه‌ییزې راډیو د ارشیف چت لوېدو له امله د راډیو یو شمېر تخنیکي تجهیزات او وسایل خراب شوي او له کاره لوېدلي دي.

بدخشان کې ځايي مسوولین وايي چې تېره شپه د دغه ولایت د مرکز په مربوطاتو کې د سخت باران او سېلاب راتلو له امله د یوې کورنۍ ۱۰ غړي مړه شوي دي.