بغلان

سیمه‌ییز مسوولین وایي چې په کاپیسا کې له ۱۱۹۵ کورنیو سره د خوراکي توکو او بغلان کې له ۸۰ کارګرو ماشومانو سره د ژمنیو توکو مرسته وشوه.

د بغلان د بدني روزنې او ورزش امریت مسوولین وایي، د دغه ولایت په مرکز پلخمري ښار کې د شپږو ولایتونو د ۶۰ لوبغاړو ترمنځ د کیک بوکسنګ سیالۍ ترسره شوې.

تېره شپه د بغلان ډنډغوري ولسوالۍ کې د ترافیکي پېښې له امله یوه کس ژوند له لاسه ورکړی او دوه نور ټپیان شوي دي.

بغلان کې نن «په ټولنیز پرمختګ کې د خلکو او حکومت ترمنځ خبرې اترې» په نوم یوه ولسي غونډه وشوه چې ګډونوالو یې د ټولنیز عدالت د ټینګښت په موخه له اداري فساد سره د مبارزې او د قومونو ترمنځ د یووالي رامنځته کېدو غوښتنه وکړه.

بغلان کې ځايي مسوولین وايي چې په تېرو درېیو کلونو کې له ګاونډیو هېوادونو دغه ولایت ته څه باندې ۱۶ زره کورنۍ راستنې شوې چې له ډلې یې تر اوسه یوازې ۴۵۰ هغو ته کورونه جوړ شوي دي.

د بغلان د کرنې او مالدارۍ ریاست مسوولین وایي چې په دغه ولایت کې د غوښې چرګانو ۳۰۰ فارمونه فعال دي او هر کال شاوخوا نهه زره مټریک ټنه غوښه تولیدوي خو فارم‌لرونکي بیا د چرګانو د دانې او درملو بیو له لوړوالي شکایت کوي.

د بغلان د کرنې ریاست مسوولین وايي چې د دغه ولایت په مرکزي بغلان ولسوالۍ کې پر زر جریب ځمکه صنعتي ښارګوټی جوړېږي.

د بغلان د مرکز پلخمري په ګډون په څلورو ولسوالیو کې په داسې حال کې د ګوزڼ واکسین کمپاین پیل شو چې د دغه ولایت روغتیايي مسوولین وایي، د پلخمري ښار د یوې سیمې ککړو اوبو کې یې د پولیو ویروس تثبیت کړی دی.

ځايي چارواکي وایي چې د بغلان د بورې فابریکه یې له اوږده ځنډ وروسته یو ځل بیا فعاله کړې او ډېر ژر به تولید پیل کړي.

د بغلان په مرکز پلخمري ښار کې د «افغان کېبل» په نوم د کورنیو او نړۍوالو ټلوېزیونونو یوې کېبلي شبکې له شل کلن فعالیت وروسته نن خپل خدمات ودرول.

د بغلان د اطلاعاتو او فرهنګ ریاست مسوولین وایي چې که څه هم په دغه ولایت کې د لرغونو سیمو د غصب مخه نیول شوې خو د دې سیمو او تاریخي ابدو ډېرې برخې ویجاړې شوې دي.

د بغلان امنیه قومانداني وایي چې د دغه ولایت په مرکزي بغلان ولسوالۍ کې ‎د ناپېژانده کسانو له خوا پر دوو دیني عالمانو برید کې یوه ژوند له لاسه ورکړی او بل ټپی شوی دی.