بڼوال

فاریاب کې بڼوال وايي چې سږ کال په دغه ولایت کې د انګورو حاصلات د پام وړ ډېر دي، خو بیه یې د تېر کال په نسبت څه باندې ۵۰ سلنه ټیټه ده او کوم عاید چې له باغونو ترلاسه کوي، یوازې هغه شوی لګښت یې هم نه پوره کوي.

هرات کې یو شمېر بڼوال وایي چې د انګورو د پلور لپاره د مناسب بازار نشتوالي له امله دغه محصول پر ممیزو بدلوي، خو سږ کال د ممیزو د پلور بازار هم پیکه دی او په ډېره ټیټه بیه پلورل کېږي.

هرات کې د مېوو د حاصلاتو موسم را رسېدو سره هم مهاله ځيني بڼوال د خپلو محصولاتو د پلور لپاره د مناسب بازار له نشتوالي شکايت کوي، له حکومت غواړي چې ملاتړ یې وکړي او د دوی محصولاتو لپاره سړې خونې جوړې کړي.

د فاریاب په قیصار ولسوالۍ کې بڼوال د تېر کال په پرتله د ممیزو په تولید او بیه کې د پام وړ کمښت له امله اندېښنه څرګندوي، خو سیمه‌ییز سوداګر وايي چې د افغانیو پر وړاندې د ډالرو ارزښت ټیټېدل د قیصار ممیزو د بیه ټیټېدو لامل هم شوی دی.

کندهار کې د انګورو یو شمېر بڼوال وايي، سږ کال یې که څه هم د باغونو حاصلات ښه شوي او په ښه کیفیت ممیز (ابجوشي) یې تولید کړي خو د بازار له نشتوالي شکایت لري او له حکومته غوښتنه کوي څو محصولاتو ته یې له هېواده بهر مناسب بازار پیدا کړي.

په غزني ولایت کې یو شمېر بزګران او بڼوال وايي چې په دغه ولایت کې پېر او پلور د افغانۍ پر ځای پر پاکستانۍ کلدارو ترسره کېږي چې له امله یې ډېری وخت پېرېدونکي او پلورونکي دواړه له تاوان سره مخ کېږي.

غزني کې یو شمېر بڼوال وايي، د دوی د مڼو، زردالو، شفتالو او ځینې نورې مېوه‌لرونکې ونې پر یو ډول ناروغۍ اخته شوې او حاصلات یې زیانمن کړي دي.

د تخار یو شمېر بڼوال د اندېښنې په څرګندولو سره وايي، د معیاري سړو خونو نشتوالي او د لارو خرابوالي له امله یې هر کال محصولات له منځه ځي او یا یې په ارزانه بیه پلوري.

د کندهار بڼوال وايي، په دغه ولایت کې د سړو خونو نشتوالي له امله هر کال د دوی تازه مېوې په ډېره ټيټه بیه پلورل کېږي؛ ځکه دوی مجبور دي چې مېوه له پخېدو سره سم وپلوري.

د هلمند ولایت د ناوې ولسوالۍ یو شمېر بڼوال وايي، دوی د باغونو پالنې تجربه نه لري او له کرنې ریاسته غواړي چې په دې برخه کې مرسته ورسره وکړي.

سنځلې د افغانستان په مشهورو وچو مېوو کې راځي چې د هېواد په ډېرو ولایتونو کې موندل کېږي، خو د لوګر سنځلې بیا ځانګړی نوم او خوند لري.

په سرپل ولایت کې د انګورو بڼوال وایي، سږ کال یې د باغونو د انګورو حاصلات ډېر شوي دي، خو د پلور لپاره یې مناسب مارکېټ نشته.