افغان او پاکستاني چارواکو د ترانزیټي اسانتیاوو، د توکو د قاچاق د مخنیوي، پاکستان ته د ډبرو سکرو د صادراتو، د تورخم بندر د ۲۴ ساعته فعالیت، د غلامخان بندر له لارې د دوه اړخیزې سوداګرۍ او د بندرونو د تنظیم په موخه د یوه میکانیزم چمتو کولو په اړه خبرې کړې دي.
د افغانستان د بهرنیو چارو وزارت سرپرست د پاکستان له ځانګړي استازي سره په لیدنه کې ویلي چې په ترانزیټي لارو او تجارتي برخو کې خنډونه د هيڅ لوري په ګټه نه دي او په کار ده چې مسایل یو له یو بل سره ونه تړل شي.
د ترانسپورټ او مالیې وزارتونو او د افغان پُست دولتي شرکت ترمنځ په ترانزیټي باروړونکو موټرو کې د ځېرک قفل (جيپياېس لاکر) لګولو تړون لاسلیک او همدارنګه د پُستي کوډ او پُستي ادرسونو د پراختیا ملي پروګرام پیل شو.
ولايتي چارواکي وايي، له تورخم، خرلاڅې او انګور اډې وروسته پاکستاني ملېشو د غلامخان لار هم د سوداګريزو مالونو او ناروغانو پر مخ تړلې ده.
د بلخ رېلپټلۍ ادارې مسوولین وایي، د روان کال په لومړیو لسو میاشتو کې د پاکستان ۱۷۵ زره ټنه سوداګریز توکي د حیرتان بندر له لارې منځنۍ اسیا ته ټرانزیټ شوي دي.
