د ټولګټو وزارت سرپرست په کابل کې د قزاقستان له سفیر سره په لیدنه کې د اقتصادي او سوداګریزو اړیکو پر پیاوړتیا او بنسټیزو پروژو برخه کې پر دوامداره همکارۍ خبرې کړې دي.
د افغانستان د کرنې، اوبو لګولو او مالدارۍ وزارت وايي چې د دغه وزارت سرپرست مولوي عطاءالله عمري په مشرۍ یو لوړپوړی پلاوی ازبېکستان ته ولاړ.
د اقتصاد سرپرست وزیر د اروپا د نړۍوال مشارکت ادارې له رییس سره په لیدنه کې د مالي او بانکي بندیزونو پر لرې کېدو او د پراختیایي پروژو پر پلې کېدو د نړۍوالې ټولنې پر تمرکز ټینګا کړی او دغه کار یې د افغانستان د اقتصادي پرمختګ لپاره حیاتي بللی دی.
د ملي دفاع وزارت وايي، د دغه وزارت سرپرست په کابل کې د ایران له سفیر سره په لیدنه کې د دوستانه اړیکو د پیاوړتیا، ښه ګاونډیتوب، سوداګرۍ، سرحدي همکاریو او د افغان کډوالو د مسایلو په اړه خبرې اترې کړې دي.
یوې باوري سرچینې پژواک ته وویل چې د ا.ا مرستیال ویاند بلال کریمي په چین کې د افغانستان سفارت د سرپرست په توګه ټاکل شوی دی.
قاري محمدیوسف احمدي د ملي راډیو ټلویزیون د سرپرست، مولوي غلام محمد د بادغیس والي د مرستیال، مولوي محمدرفیق خادم د ارزګان امنیه قوماندان او ملا عبدالله بشیر د سپین بولدک د ولسوال په توګه ټاکل شوي دي.
د اطلاعات او فرهنګ وزارت مرستیال ذبیح الله مجاهد وایي، ډاکټر شاکر جلالي د افغانستان ملي بانک د سرپرست په توګه و ټاکل شو. مجاهد وایي، چې جلالي د اسلامي بانکدارۍ په برخه کې د…
