ماشومان

د هلمند د عامې روغتیا ریاست وایي، تېر کال په دغه ولایت کې ۱۰۰۰ ماشومان چې د شري پر ناروغۍ اخته وو، بستر شوي چې له جملې یې ۳۰ تنه مړه شوي دي.

د سترګو د ناروغیو یو ډاکټر په ماشومانو کې د لید ستونزو مخنیوی له عینکو د استفادې له لارې د درملنې وړ بولي او سپارښتنه کوي چې ماشوم باید د ورځې له دوه ساعته ډېر الکترونیکي وسایل ونه کاروي.

د کونړ امنیتي مسوولین وایي چې د دغه ولایت په مروره ولسوالۍ کې د یوه لاسي بم چاودنې له امله دوه ماشومان ټپیان شوي دي.

د ننګرهار عامې روغتيا رياست وايي، په تېرو نږدې ۱۵ مياشتو کې په دغه ولايت کې ۲۵۱۹ ماشومان د شري پر ناروغۍ اخته شوي چې له ډلې يې ۱۲ مړه شوي دي.

. . .

د روغتیا نړۍوال سازمان وايي، غزه کې لس ماشومان له لوږې مړه شوي او هلته له دوو روغتونونو د دغه سازمان د لیدنو پایلې «وېروونکې او بدې» دي.

افغاني سره میاشتې ټولنه وایي چې په تېرو ۱۸ میاشتو کې یې له ۲۸۰۰ ډېر د زړه سوري پر ناروغۍ اخته ماشومان د درملنې په موخه د کابل ښار روغتونونو ته ورپېژندلي دي.

د هلمند په مرکز لښکرګاه کې پر سختو کارونو بوخت یو شمېر ماشومان وايي چې د بې‌وزلۍ له امله زده‌کړې ترې پاتې دي او له حکومته د مرستې غوښتنه کوي.

د کندهار د کار او ټولنیزو چارو ریاست وایي، د دغه ولایت له مرکز کندهار ښاره یې څه باندې ۳۰۰ یتیم او بې‌سرپرسته ماشومان ټول کړي او په دارالایتام کې یې د اوسېدو او زده‌کړو زمینه ورته برابره کړې ده.

د افغاني سرې میاشتې ټولنه وایي چې د سوري زړه پر ناروغۍ د اخته ماشومانو یوه بله ډله هم پلازمېنه کابل کې ۶ کورنیو روغتونونو ته د درملنې په موخه ور وپېژندله.

د ماشومانو ژغورنې نړۍوال صندوق دې ته په اشاره چې د افغانستان یو پر درېیمه برخه ماشومان پر درنو کارونو بوخت دي، ویلي چې افغانستان کې مرستندویه بنسټونو نه دي توانېدلي چې لږ تر لږه د ماشومانو څلوېښت سلنه اړتیاوې پوره کړي.

ډاکټرا وايي، شری یوه ساري ناروغي ده او کورنۍ باید خپل ماشومان د دې ناروغۍ پر وړاندې واکسین کړي، روغتیا او چاپېریال ساتنې ته پام وکړي او پر دې ناروغۍ اخته کسان دې ژر ژره روغتون ته ورسوي.