تېره اونۍ پر ا.ا د م.م د بندیزونو څار کمېټې ماموریت ۱۴ میاشتې وغځول شو، خو ا.ا دغه اقدام ظالمانه وباله، د روسیې پارلمان له کابل سره د اړیکو عادي کولو قانون تصویب کړ او اروپايي ټولنې، جاپان او سويډن له افغانستان سره څه باندې ۵۷ میلیون ډالره مرسته اعلان کړه.
تېره اونۍ، د روسیې پارلمان له ممنوعه ډلو د «طالبانو» نوم ایستلو طرحه تایید کړه، د م.م امنیت شورا کې افغانستان کې بشري حقونو ته پر درناوي او له دغه هېواد سره پر تعامل ټینګار وشو او اروپایي ټولنې، امریکا او قطر له افغانستان سره ۹۷ میلیون ډالره مرسته اعلان کړه.
تېره اونۍ، طبي انسټیټیوټونو کې د نجونو زدهکړې وځنډول شوې خو وروسته یوازې د ازموینو اجازه ورکړل شوه، ناروې وویل له افغانستان سره اړیکې محدودوي؛ ا.ا په دې اړه ناخوښي وښوده او اروپايي ټولنې، اتريش او سعودي له افغانستان سره ۲۴ میليون ډالره مرسته اعلان کړه.
تېره اونۍ چین او روسیې له کابل سره د اړیکو پر پراختیا ټینګار وکړ، یوناما وویل، افغانستان کې رسنۍ له محدودیتونو سره مخ دي، خو ا.ا وویل چې د افغانستان مسایلو ته باید د لوېدیځو هېوادونو له عینکو ونه کتل شي او چین له افغانستان سره د ۱،۵ میلیون امریکايي ډالرو مرستې ژمنه وکړه.
تېره اونۍ، برلین کې افغان سفیر او په بُن کې د افغانستان کونسل استعفاوې وکړې، اسټرالیا په افغانستان کې د جنګي جنایتونو د قربانیانو کورنیو ته د غرامت ورکړې لپاره استازی وټاکه او جاپان او کويټ وویل چې له افغانانو سره نږدې ۸ میليون ډالر مرسته کوي.
تېره اونۍ ایران وویل چې دوو میاشتو کې زر افغان بندیان ا.ا ته سپاري، خلیلزاد بیا ویلي، د دوحې هوکړه کېدای شي د ډونالد ټرمپ او اسلامي امارت تر منځ د تعامل بنسټ شي او ګوترېش له هېوادونو وغوښتل چې د اقلیمي ناورین د مخنیوي لپاره هڅې زیاتې کړي.
تېره اونۍ ا.ا په ټاکنو کې د ټرمپ له بریا وروسته هیله څرګنده کړه چې د امریکا نوې اداره د افغانستان په اړه واقعبینانه ګامونه پورته کړي، ازبکستان له افغانستان سره پر همکاریو ټینګار وکړ او اروپايي ټولنې بیا له افغانستان سره د سل میلیون ډالرو مرستې ژمنه وکړه.
د غزني امنیه قومانداني وایي چې د دغه ولایت په مرکز کې د یوې ترافیکي پېښې له امله یو کس مړ او درې نور ټپيان شوي دي.
تېره اونۍ، ۷ هېوادونو له افغانستان سره پر تعامل ټینګار وکړ، افغانستان او قزاقستان د همکارۍ لارنقشه لاسلیک کړه، موظف پلاوي ایران کې پر افغانانو د ډزو او چاودنو لومړنۍ پایلې اعلان کړې او اسټرالیا له افغانستان سره ۱،۳ میلیون ډالره مرسته اعلان کړه.
تېره اونۍ «برېکس» د خپلواک، سولهییز او له ترهګرۍ، جګړې او نشهيي توکو د خوندي افغانستان ملاتړ وکړ، م.م په افغانستان کې د ښځو له حقونو د ملاتړ پر پراختیا ټینګار وکړ، غور کې د داعش د دوو کسانو د وژلو خبر ورکړل شو او اروپايي ټولنې د افغانستان د روغتيا له سکټور سره د مرستې لپاره ۳۱ میلیونه یورو ځانګړي کړل.
تېره اونۍ د شانګهای سازمان سرمشریزې د خبرو له لارې د هېوادونو ترمنځ د شخړو پر هواري ټینګار وکړ، المان له افغانستان سره ۱۱،۲میلیون ډالره مرسته وکړه او په ایران کې د لسګونو افغان کډوالو د وژلو په اړه راپورونه خپاره شول، خو ایران رد کړل او ا.ا یې څېړنې ته پلاوی وټاکه.
تېره اونۍ ځينو بنسټونو افغانستان کې د نجونو د حقونو په اړه اندېښنې وښودې، روسيې ویلي، په منځنۍ اسیا کې د سولې لپاره له ا.ا سره خبرې اړینې دي، افغان چارواکو یې هرکلی کړی او امریکا له افغانستانه د ترهګریزو بریدونو په تړاو اندېښنه ښودلې، خو ا.ا وايي، له افغانستانه هیڅ هېواد ته ګواښ نشته.
تېره اونۍ، ا.ا وویل د ځینو بریدونو عاملین چې له بلوچستانه افغانستان ته راغلي وو، نیول شوي، د افغانستان د بهرنیو چارو وزیر د مسکو فارمټ غونډه کې وویل چې دا فارمټ دې د افغانستان او سیمې ترمنځ د همکارۍ پر بهیر بدل شي.
تېره اونۍ ځينو هېوادونو افغانستان کې د ښځو د حقونو په اړه اندېښنې وښودې، ا.ا وویل، افغانستان کې بشري حقونه خوندي دي، مسکو، چین، ایران او پاکستان بیا ټینګار وکړ چې له ا.ا سره د خبرو بدیل لار نشته خو امریکا وایي، ا.ا هغه مهال نړۍوال مشروعیت ترلاسه کولای شی چې پر ژمنو عمل وکړي.
تېره اونۍ، امنیت شورا کې له ا.ا سره پر تعامل ټینګار وشو، روزا اوتونبایوا وویل چې د دوحې ناسته له کابل سره د نړۍ د تعامل ښه فرصت و خو ځینو کړنو دا پروسه زیانمنه کړه. ا.ا بیا وایي، م.م باید د افغانستان حقایق په پام کې ونیسي او اوسنی وضعیت دې له تېر سره پرتله کړي.
تېره اونۍ، افغانستان کې د ټاپي پروژې کار پیل شو، ځاځي میدان کې د افغان او پاکستاني ځواکونو تر منځ نښته وشوه او اروپايي ټولنې، ناروې او بریتانیا له افغانستان سره نږدې ۳۵.۸ میلیون ډالره مرسته وکړه.
د غزني امنیه قومانداني وايي چې د دغه ولایت په مرکز کې د یوې ترافیکي پېښې له امله دوه کسان مړه شوي او اووه نور ټپیان دي.
تېره اونۍ، لوړپوړو افغان چارواکو درېیو هېوادونو ته سفرونه وکړل، د امربالمعروف قانون په اړه بېلابېلې څرګندونې وشوې، اوایسي د نجونو د زدهکړو او کار په اړه د ا.ا پر پرېکړو د بیاکتنې غوښتنه وکړه او اروپایي ټولنې او جاپان له افغانستان سره ۲۴.۴ میلیون ډالره مرسته اعلان کړه.
تېره اونۍ، متحده عربي اماراتو او قزاقستان، افغان سفیران ومنل، افغانستان ته د ریچارډ بنیټ پر راتګ بندیز ولګول شو، م.م وویل، د ا.ا بندیزونو ښځې اغېزمنې کړې خو افغان چارواکو وویل چې د ښځو ټولو شرعي حقونو ورکړې ته ژمن دي.
د ننګرهار د امنیې قوماندانۍ مسوولین وايي، د دغه ولایت په درهنور ولسوالۍ کې د ماين چاودنې له امله د ماشومانو په ګډون شپږ کسان وژل شوي او څلور نور ټپیان دي.
تېره اونۍ، د ازبکستان، اذربایجان او ایران پلاوي کابل ته راغلل، ا.ا ټینګار وکړ چې د پاکستان د الوتکو له لوري د افغانستان د هوايي حریم نقض څېړي، یونسکو وویل چې ۲.۵ میلیونه افغان نجونې له زدهکړو بېبرخې دي او امریکا او بریتانیا له افغانستان سره ۳۳۰ میلیون ډالره مرسته اعلان کړه.
راپورونه وایي چې د خیبر پښتونخوا په پېښور، سوات، باجوړ او وزیرستان کې د بېلابېلو پېښو په ترڅ کې د پولیسو په ګډون شاوخوا ۳۰ کسانو ته مرګژوبله اوښتې ده.
تېره اونۍ، نړۍوالو ادارو وویل چې په څه کم پنځو کلونو کې اته میلیونه افغانان بهر ته کډوال شوي او افغانستان کې د داعش څانګه د اروپا لپاره ګواښ دی، خو اسلامي امارت دا څرګندونې بېځایه وبللې او ایران کې د یوه افغان کډوال د شکنجې ویډیو بېلابېل غبرګونونه راوپارول.
تېره اونۍ، بهرنیو چارو وزارت په بهر کې د ۱۴ استازولیو قونسلي خدمات بېاعتباره اعلان کړل، ورپسې د څلورو استازولیو وېبپاڼې بندې شوې، بېلابېلو افغان چارواکو د دیني او عصري زدهکړو پر اړتیا ټینګار وکړ او ا.ا د ښځو حقونو په اړه د یوناما اندېښنه بېځایه وبلله.
