وچکالۍ

د ننګرهار د کرنې او مالدارۍ رياست چارواکي وايي، سږ کال به په دغه ولايت کې د وچکالۍ له امله د شولو په کښت کې ۳۰ سلنه کموالی راشي.

د دایکنډي اوسېدونکي او کروندګر په دغه ولایت کې د سختې وچکالۍ له امله اندېښمن دي او له حکومته د خلکو وضعیت ته د رسېدنې غوښتنه کوي.

د سرپل د کرنې ریاست چارواکي وایي، سږ کال د دغه ولایت په یو شمېر سیمو کې د بې‌وخته ورښتونو او وچکالۍ له امله شاوخوا ۶۰ سلنه للمي او ۱۵ سلنه د اوبو کښتونه له منخه تللي دي.

د کاپيسا یو شمېر کروندګر د دغه ولايت په ځینو ولسواليو کې د اوبو د کمښت او وچکالۍ له امله شکايت کوي، وايي چې کروندې يې له منځه تللې دي.

په کندوز کې ځیني کروندګر وایي، سږکال په دغه ولایت کې زرګونه هکتاره للمي ځمکې له حاصلاتو پاتې شوې دي؛ له همدې امله دوی له جدي ننګونو سره مخ شوي او حتی نشي کولی چې خپل لګښت پوره کړي.

د دایکنډي د مرکز «ناوه جعفر» کلي لسګونه اوسېدونکي وایي، د دغه کلي دوو اوسېدونکو ژورې څاګانې کیندلې او هره ورځ زرګونه لېټره اوبه ترې پلوري چې له امله یې د سیمې خلکو څاګانې وچې شوې دي.

د دایکنډي ولایت مسوولین وایي، د تېرو دوو کلونو وچکالیو له امله د دغه ولایت تر ۷۵ سلنې ډېرې کروندې اغېزمنې شوې دي.

د کرنې وزارت مسوولین وایي چې وروستي اورښتونه د وچکالۍ د له منځه تلو لپاره بسنه نه کوي او راتلونکی کال به هم افغانستان له وچکالۍ سره مخ وي.

. . .