پکتیا

د پکتيا ولايت د احمدابا ولسوالۍ یو شمېر اوسېدونکي له حکومتي مسوولينو د مچلغو بند د نيمګړو چارو د بشپړولو غوښتنه کوي.

حکومتي مسوولین وايي چې په میدان‌وردګو او پکتیا ولایتونو کې دوه کسان اوبو کې د ډوبېدو له امله مړه شوي خو دوه نور ژغورل شوي دي.

د پکتیا ولایت په څمکنیو ولسوالۍ کې د غره ‌ښویېدنې له امله د یوې کورنۍ اووه کسان مړه شوي دي.

پکتیا کې د نهو ولایتونو د ۷۰ لوبډلو ترمنځ د والیبال سیالۍ د حسن‌خېل لوبډلې په اتلولی پای ته ورسېدې.

د پکتيا عامې روغتيا رياست وايي چې د دغه ولايت په څمکنيو ولسوالۍ کې یوه ښځه د کانګو ناروغۍ له امله مړه شوې ده.

د پکتیا پوهنې ریاست وايي چې په دغه ولایت کې د مرکز ګردېز په ګډون د ۳۷۱ ښوونځیو له ډلې ۱۸۳ یې ودانۍ نه لري او زده‌کوونکي یې په ازاده فضا کې زده‌کړې کوي.

د پکتیا ډنډپټان په ګمرک کې د ۸،۳ میلیون افغانیو په لګښټ د یوه جومات جوړولو چارې پیل شوې، بلخوا په جوزجان ولایت کې یوه ښوونځي ته د یوه کس په شخصي لګښت ودانۍ جوړه او پرانیستل شوه.

د پکتیا په احمدابا ولسوالۍ کې د ۲۰ لوبډلو ترمنځ د والیبال سیالۍ پيل شوې چې ۲۰ ورځې به دوام وکړي.

سېمه‌ییزې سرچينې وایي، پکتیا کې پر ډېورڼډ فرضي کرښه د نښتو مخنیوی په موخه د دواړو غاړو قومي مشرانو ګډې جرګې دوېمه ناسته وکړه.

د پکتیا امنیه قومانداني د دغه ولایت په مرکز ګردېز کې د انسان‌تښتوونکو یوې شپږکسیزې ډلې د نیول کېدو خبر ورکوي او وايي چې یو کس یې د هغې له منګولو ژغورلی دی.

سېمه‌ییزې سرچينې وایي، پکتیا کې پر ډېورڼد فرضي کرښه تر نښتې وروسته د دواړو غاړو د قومي مشرانو یوې ګډې جرګې د اوربند، خرلاڅيو لارې د پرانیستل کېدو او یوې کمېټې جوړېدو پرېکړې کړې.

د پکتیا د ملي بس امریت مسوولین وايي چې د لومړي ځل لپاره یې د ګردېز- ځاځي‌اریوب ولسوالۍ ترمنځ د ملي بس خدمتونه پيل کړي دي.