چین

د کرنې، اوبولګولو او مالدارۍ وزارت وایي، د دغه وزارت مرستیال په کابل کې د چین سفارت له استازو سره په لیدنه کې په کابل او بلخ ولایتونو کې د مېوو د درېیو سړو خونو پر جوړولو هوکړه کړې ده.

د ا.ا ریاست‌الوزراء اداري مرستیال د یوه لوړپوړي پلاوي په مشرۍ د چین – سوېلي اسیا په نهم نندارتون او فورم کې د ګډون په موخه چین ته ولاړ.

عامې روغتیا وزارت وايي چې چین له افغانستان سره د انفلونزا او مننجیت (Meningitis) ناروغیو د ۶۶ زره دوزه واکسین مرسته کړې ده.

د افغانستان بانک سرپرست د چین له سفیر سره د دواړو هېوادونو ترمنځ د مالي او بانکي همکاریو پر پراختیا خبرې کړې دي.

د چین د نړۍوالۍ سوداګرۍ د ودې شورا وایي، غواړي له افغانستان سره سوداګریزې اړیکې ژورې او پراخې کړي.

د صنعت او سوداګرۍ وزارت سرپرست وايي، کابل له روسیې او چین سره په خبرو بوخت دی څو له دغو هېوادونو سره سوداګریزې معاملې په ملي اسعارو ترسره شي؛ کارپوهان بیا د دغه اقدام ستاینه کوي.

د بهرنیو چارو سرپرست وزیر د چین د پرمختیایي همکاریو د ادارې له رییس سره د افغانستان د بیارغونې برخه کې د چین د پرمختیایي پروژو او نورو دوه اړخیزو همکاریو په اړه خبرې کړې دي.

د افغانستان د بهرنیو چارو وزارت سرپرست له خپل چیني سیال سره لیدنه کې د دواړو هېوادونو تر منځ د اقتصادي همکاریو پر پراختیا او سوداګریز حجم پر زیاتوالي خبرې کړي او د چین د بهرنیو چارو وزیر ژمنه کړې چې له افغانستان سره به سیاسي او اقتصادي ملاتړ ته دوام ورکړي.

د بهرنیو چارو سرپرست وزیر له خپل چیني سیال سره په لیدنه کې ویلي، هغو ټولو ستونزو ته باید یو جامع حل پیدا شي چې د کرنیزو محصولاتو او نورو توکو صادراتو پر مهال ورسره افغان سوداګر مخ دي.

کابل کې د چین سفیر له ګاونډیو هېوادونو راستنېدونکو افغان کډوالو ته د ۱۶۰ کورونو جوړولو او له هغوی سره د ۳۰ میلیونه ینه نغدي مرستې خبر ورکړی دی.

د راپورونو له مخې، امریکا او چین پر یو بل د تعرفو د کمولو پر سر هوکړې ته رسېدلي دي.

د کورنیو چارو وزارت سرپرست د چین او پاکستان له ځانګړو استازو سره په لیدنه کې ویلي چې د اقتصادي او سیاسي اړیکو پراختیا او سیمه‌ییز تفاهم د متقابل درناوي او تعامل له لارې ترلاسه کېدای شي.