کار

د ننګرهار د کليو بيارغونې او پراختیا رياست مسوولين وایي، سږ کال په دغه ولايت کې د بيارغونې ۱۱۳ پروژې پيل شوې او سلګونو کسانو ته په کې د کار زمينه برابره شوې ده.

په سمنګان کې د وچې مېوې ټولنې مسوولین وایي چې دغه ولایت کې یې له ۳۰۰ ډېرو بې‌وزلو او اړو ښځو ته د کار زمینه برابره کړې ده.

د کانونو او پټرولیم وزارت وایي، ا.ا د ټاپي پروژې د کار د پيل کېدو غوښتونکی دی او دغه برخه کې له هیڅ ډول همکارۍ ډډه نه کوي.

د بلخ په مرکز مزارشریف ښار کې یوې مېرمنې د غالۍ او وړۍ اوبدلو کارګاه په جوړولو سره ۳۰۰ بې‌وزلو ښځو ته د کار زمینه برابره کړې ده.

لوګر کې مسوولین وایي چې د دغه ولایت په محمداغې ولسوالۍ کې د خوړو نړۍوال پروګرام له لوري شاوخوا ۷۵۰ کسانو ته د ۱۸ میاشتو لپاره د کار زمینه برابره شوې ده.

. . .

د افغانستان په شپږو ولایتونو کې د ماشومانو ژغورنې صندوق سروې ښیي چې سروې کې د شاملو ماشومانو ۳۸ سلنه په تېرو دوو کلونو کې د اقلیمي بدلونونو له امله له سختو اقتصادي ستونزو سره مخ او کار کولو ته اړ شوي دي. 

ځینې ښځینه روغتیایي پرسونل په داسې حال کې چې وایي د دوو کلونو په اوږدو کې یې په کار کې کوم بدلون نه دی راغلی او له کومې ستونزې سره مخ نه دي، خو په ډېرو دولتي ادارو کې د ښځو پر کار او زده‌کړه لګول شوي محدودیتونه د اندېښنې وړ بولي او غواړي چې دا بندیزونه له منځه لاړ شي.

هرات کې د یوې نهه کسیزې کورنۍ سرپرستې فرزانې بارکزۍ د خیاطۍ تولیدي مرکز په جوړولو سره ځان او څو نورو ښځو ته د کار زمینه برابره کړې ده.

یو جوزجاني ځوان په چین کې د لوړو زده‌کړو له پای ته رسولو وروسته هېواد ته راستون شوی او د ۵۰۰ زره امریکایي ډالرو په پانګونې سره یې یو سوداګریز شرکت جوړ کړی چې ۴۰ ځوانانو ته یې د کار زمینه برابره کړې ده.

د پنجشېر او بامیان ولایتونو مسوولین وايي چې په دغو ولایتونو کې د ټولګټو پروژو په پلې کېدو سره زرګونو کسانو ته د کار زمینه برابره شوې ده.

کونړ کې مسوولین وايي، د دغه ولایت په مرکز او اوو ولسوالیو کې د ملګرو ملتونو کډوالۍ سازمان (یواېن‌اېچ‌سي‌ار) په مالي ملاتړ زرو کسانو ته د پيسو په بدل کې د یوې میاشتې لپاره د کار زمینه برابره شوه.