کندوز

د کندوز امنیتي مسوولین وايي، د دغه ولایت په امام‌صاحب ولسوالۍ کې یې هغه کس نیولی چې دوې ورځې مخکې یې خپل څلور کلن زوی وژلی و.

د کندوز یو شمېر اوسېدونکي، په دغه ولایت کې د درملو له ټيټ کیفیت او په خصوصي روغتونونو کې د روغتیایي خدمتونو له ضعیفوالي شکایت لري او له مسوولینو غواړي څو دې برخې ته ډېره پاملرنه وکړي.

د ملګرو ملتونو د امنیت شورا غړو د روانې اونۍ د سې‌شنبې په ورځ کندوز ښار کې د کابل بانک څانګې ته څېرمه ځانمرګی برید غندلی دی.

د کندوز ولایت په مرکز کې کابل بانک ته څېرمه د یوه ځانمرګي برید له امله پنځو کسانو ژوند له لاسه ورکړی او اووه نور ټپیان شوي دي.

د کندوز امنیه قومانداني وايي چې د دغه ولایت په مرکز کې کابل بانک ته څېرمه چاودنه شوې ده.

د کندوز د کډوالو او بېرته راستنیدونکو چارو ریاست مسوولین وايي چې په دغه ولایت کې راستنو شوو افغان کډوالو ته د پنځو ښارګوټو جوړولو لپاره څه باندې ۱۳زره جریبه ځمکه ځانګړې شوې ده.

امنیتي مسوولین وايي چې په لوګر ولایت کې لسګونه میله وسلې ترلاسه شوې او په کندوز کې بیا اووه کسان د عامه نظم د اخلال په تور نیول شوي دي.

کندوز کې د دوو کورنیو ترمنځ څلوېښت کلنه دښمني چې د ځمکې پر سر رامنځته شوې وه، د قومي مشرانو او ځايي مسوولینو په منځګړیتوب پای ته ورسېده.

حکومتي مسوولین وایي، روان کال د هېواد په شمال‌ختیځ کې زون کې د غنمو څه باندې ۲۱ زره تنه اصلاح شوی تخم تولید شوی چې په ټول هېواد کې به یو میلیون  بزګرو ته ووېشل شي.

د کندوز د کلیو پراختیا او بیارغونې ریاست مسوولین وايي چې د دغه ولایت په امام صاحب ولسوالۍ کې د ۹۰ زره ډالرو په لګښت د اوبو رسولو یوه شبکه جوړه او ګټې اخیستنې ته وسپارل شوه.

کندوز کې ځايي چارواکي وايي چې د دغه ولایت په څو ولسوالیو کې د سېلابونو راوتلو له امله دوه زره جریب کرنیزه ځمکه او سلګونه کورونه په بشپړ او قسمي ډول ویجاړ شوي دي.

کندوز کې ځايي چارواکي وايي چې دغه ولایت ته د تاجکستان د وارداتي برېښنا غځېدلی مزی د ۸۰ میلیون افغانیو په لګښت بدلېږي.