کابل (پژواک، ۲۱ کب ۱۴۰۰): د افغان پسټ دولتي شرکت وایي، بهرنیو هېوادونو ته یې د پوستي کڅوړو لېږد رالېږد بیا پیل کړی دی.
افغان پسټ پر خپلې فېسبوکپاڼې لیکلي: «د افغان پست دولتي شرکت د رهبري پلاوي په دوامدارو هلو ځلو وکولای شول چې د پستي کڅوړو (پارسلونه، کوچنېو بستو، مکتوبونو، تحصیلي اسناد او د چټکو پستي خدمتونو) لیږد را لیږد اسیایي، اروپایي او امریکایي هېوادونو ته بیا پيل کړي.»
د سرچینې د څرګندونو له مخې، خلک کولای شي د کب میاشتې له ۲۱مې نېټې وروسته له یادو خدماتو ګټه واخلي او د افغان پسټ دولتي شرکت نږدې پست خانو ته مراجعه وکړي.
افغان پسټ په دې اړه چې بهرنیو هېوادونو ته یې د پوسټي کڅوړو لېږد رالیږد څه وخت ځنډېدلی و، څخه نه دي ویلي، خو په افغانستان کې د روان کال د زمري میاشتې له تحول وروسته پر افغانستان ځیني محدودیتونه ولګول شول او ځینې چارې یې له خنډ سره مخ کړې.
Views: 76
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن