دین او کلتور

د پکتیکا ولایت یو شمېر اوسېدونکي وايي چې په دغه ولایت کې ډېری تاریخي سیمې او ابدې د نړېدو له ګواښ سره مخ دي او غوښتنه کوي چې د بیارغولو لپاره یې باید اقدام وشي.

د امر بالمعروف، نهي عن‌المنکر او شکایتونو اورېدو وزارت سرپرست وايي چې د شریعت تطبیق او حجاب د اسلامي امارت سرې کرښې دي او په دې برخو کې له هيچا سره تعامل نه کېږي.

د افغانستان د اطلاعات او فرهنګ وزارت اړوند افغان فلم درې مستند فلمونه نن په کابل کې نندارې ته وړاندې کړل.

د میدان‌وردګو په جغتو ولسوالۍ کې د سل زره امریکايي ډالرو په لګښت یو جومات جوړ او ګټې اخیستنې ته وسپارل شو.

د بادغيس خټکيو ته د بازار موندنې په موخه د دغه ولايت د اطلاعاتو او فرهنګ رياست له لوري د «خټکي ګل» په نوم ادبي غونډه جوړه شوه.

د ننګرهار د اطلاعاتو او فرهنګ رياست وايی، په دغه ولايت کې د مخابراتو او معلوماتي ټکنالوجۍ وزارت له لوري د ۱۷ غږیزو رسنیو د جوازونو لغوه کولو په اړه خپاره شوي خبرونه حقيقت نه لري.

د لوګر د اطلاعاتو او فرهنګ ریاست له لوري د دغه ولایت په ازره ولسوالي کې د لومړي ځل لپاره د «کلتوري خوځښت» په نوم مشاعره جوړه شوه.

د اسلامي امارت ویاند وایي، په کندهار ولایت کې دوه نیول شوي سیمه‌ییز خبریالان محمدابراهيم محتاج او محمدیار مجروح خوشې شوي او د هغوی نیول کېدل له رسنیز کار سره تړاو نه درلود.

د بغلان د اطلاعاتو او فرهنګ ریاست مسوولین وايي، د دغه ولایت په پنځو ولسوالیو کې د یوې تازه سروې پر اساس نهه نور تاریخي ځایونه کشف او ثبت شوي دي.

د اطلاعاتو او فرهنګ وزارت اطلاعاتو ته د لاسرسي رییس وايي، ټولې حکومتي ادارې مکلفې دي چې اسلامي او ملي ارزښتونو ته په پام له رسنیو سره اطلاعات پر وخت شریک کړي.

د کورنیو چارو وزارت وايي چې د میدان‌وردګو ولایت په جلریز ولسوالۍ کې د «اندریس» په نوم یو امریکايي تبعه د اسلام پر مبارک دين مشرف شو.

د بدخشان د اطلاعاتو او فرهنګ ‎ریاست مسوولین وايي، نن یې په دغه ولایت کې د هنر د ودې او فرهنګیانو د هڅونې په موخه د هېواد د یوه هنرمند د نقاشۍ لسګونه اثار د «مخمل خیال» په نوم یوه نندارتون کې نندارې ته وړاندې کړل.