دین او کلتور

د هرات ځیني فرهنګیان او اوسېدونکي د دغه ولایت د تاریخي ابدو د ځینو برخو پر زیانمنېدو اندېښنه څرګندوي او وايي چې د ژمي په رانږدې کېدو ښايي دغه ابدې لا زیانمنې شي.

بامیان کې سیمه‌ییز مسوولین دغه ولایت ته د څه باندې ۲۰ بهرنيو ګرځندویانو له سفر خبر ورکوي؛ بلخوا، دغه ګرځندویان وايي چې په بامیان کې امنیت شته، خو د خدمتونو وړاندې کولو ته دې پاملرنه ډېره شي.

د امربالمعروف، نهی‌ عن‌المنکر او شکایتونو اورېدلو وزارت وایي، د کابل ښار بېلابېلو حوزو محتسبینو له موټرچلوونکو غوښتي چې د موسیقۍ له غږولو او د بې‌حجابه او بې‌محرمه ښځو له پورته کولو ډډه وکړي.

د پژواک خبري اژانس رییس دانش کړوخېل وایي، په افغانستان کې د وژل شویو ژورنالستانو کچه ځکه لوړه ده، چې د قاتلینو دوسیې نه دي څېړل شوي.

د غور د اطلاعاتو او فرهنګ رياست دغه ولايت ته د ٩ بهرنيو سيلانيانو د راتګ خبر ورکوي او وايي، په تېرو اوو مياشتو کې ١٥٤ بهرنيو سيلانيانو د دغه ولايت له تاريخي او طبيعي ځايونو ليدنه کړې ده.

د اطلاعاتو او فرهنګ وزارت وايي، طبیعي پېښو او د ځینو خلکو لاسوهنو له امله غور کې د جام منار استحکام او تزئیناتو ته زیان اوښتی دی.

مسوولین وايي، هلمند ولایت کې د دیني مدرسو لپاره ۶۰۰ او لوګر کې ۵۱۵ نوي ښوونکي ګومالرل کېږي.

د بلخ یو شمېر اوسېدونکي او فرهنګیان د دغه ولایت په بلخ ولسوالۍ کې د نه ګُنبد (حج پیاده) تاریخي جومات پر ویجاړېدو اندېښنه څرګندوي او له حکومته یې د بیارغولو غوښتنه کوي.

د اطلاعاتو او کلتور وزارت وایي چې دا مهال په هېواد کې په ۳۰ ژبو خبرې کېږي، چې د غني کولو، علمي او ادبي پراختیا لپاره يې هڅې روانې دي.

د ریاست الوزرا د حکم پر بنسټ او د اطلاعاتو او کلتور وزارت د کلتور او هنر معین په مشرۍ د هېواد د ژبو لا بډاينې او معياري کولو په موخه د ژبو عالي شورا جوړه او خپله لومړنۍ ناسته یې ترسره کړه.

د لوګر د اطلاعاتو او فرهنګ ریاست له لوري په مرکز پل‌علم ښار کې د کتابونو یو ورځنی نندارتون جوړ شو چې په کې زرګونه ټوګه کتابونه نندارې ته وړاندې شول.

د سرپل اطلاعاتو او کلتور ریاست کې مسوولین وايي، د دغه ولایت په کوهستاناتو ولسوالۍ کې لس نوې لرغونې ساحې وپېژندل شوې.