منځپانګې ته تلل
دوشنبه ۱۶ نومبر ۲۰۲۶ · کابل ۶:۲۹ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

د کندوز جګړو کې ٤٥ مخالفين او اته سرتېري وژل شوي

· ۲ دقیقې لوستل · ۱۸۹ کتنې

کندوز ښار  ( پژواک، ٦ غويى ٩٤ ) : چارواکي وايي چې په کندوز ولايت کې د بېلا بېلو نښتو پر مهال ٤٥ وسله وال مخالفين او اته تنه امنيتي سرتېرې وژل شوي.

د کندوز د والي وياند عبدالواسع باسل د غويي په ٦مه، پژواک خبري اژانس ته وويل چې له تېرې ورځې راهيسې د ښار اړونده په ګورتېپه او قلعه ذال ولسواليو کې سختې جګړې  روانې دي.

هغه زياته کړه، چې په ګورتېپه سيمه کې ٢٩ وسله وال  مخالفين  او ٨ امنيتي سرتېري وژل شوي، لسګونه وسله وال مخالفين او ١٦ نور امنيتي سرتېري ټپيان شوي دي.

باسل وايي ، دا نښتې وروسته له هغه پيل شوې، چې لسګونو وسله والو مخالفينو د امنيتي ځواکونو پر بېلا بېلو پوستو بريدونه پيل کړل.

نوموړي وويل چې امنيتي ځواکونو د ګورتېپې له ځينو برخو څخه تکتيکي شاتګ کړى او وسله والو مخالفينو يوه برخه سيمه نيولې ده.

خو د سيمې اوسېدونکي او وسله وال طالبان بيا وايي ، د ګورتېپې ټوله سيمه چې شاوخوا ٨٠ کلي په کې  دي وسله والو نيولي دي.

د معلم کريم په نامه دسيمې يوه اوسېدونکي پژواک اژانس ته وويل چې د ګورتېپې ټوله سيمه وسله والو طالبانو نيولې او سلګونه کورنۍ د جګړې له وېرې تښتېدلې دي.

دى وايي چې يو شمېر کورنۍ د کندوز ښار او ډېرى نور يې چهار درې ولسوالۍ ته تللي او خپل ډک کورونه يې پرېښي دي.

د کريم په وينا، ګڼ شمېر امنيتي ځواکونه له تېرو درېيو ورځو راهيسې په ګورتېپه کې کلا بند دي او نور دولتي ځواکونه يې مرستې ته نه ورځي.

نوموړي اندېښنه څرګنده کړه، چې وسله وال مخالفين د کندوز ښار څلورو بندرونو ته رسېدلي او وېره ده چې د کندوز پر ښار ډله ييز بريد ونه کړي.

طالب وياند ذبيح الله مجاهد ادعا کوي چې دوى په ګورتېپه کې ٢٠ پوستې نيولي او ګڼ شمېر دولتي ځواکونو ته يې مرګ ژوبله اړولې ده.

نوموړي ادعا وکړه، چې په دې جګړو کې يواځې درې  طالبان وژل شوي او پنځه نور ژوبل دي.

خود سرپرست والي وياند وايي چې دولتي ځواکونو په قلعه ذال ولسوالۍ کې هم ١٦ وسله وال مخالفين وژلي دي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه