لښکرګاه ( پژواک، ١٠ زمرى ٩٤ ) : چارواکي وايي چې په هلمند ولايت کې ديوې چاودنې له امله پنځو ملکي وګړو ته مرګ ژوبله اوښتې ده.
ددې ولايت دامنيه قوماندانۍ مطبوعاتي مسوول شاه محمود اشنا د زمري په ١٠مه، پژواک خبري اژانس ته وويل چې دا چاودنه نن تر غرمې وروسته د مارجې ولسوالۍ د شين غزک په سيمه کې پر ملکي موټر شوې ده.
هغه زياته کړه، د مارجې ولسوالۍ دوکانداران د ناوې ولسوالۍ په يوه ګنج کې د سودا اخيستلو لپاره ورغلي وو، چې د بېرته راتګ پر مهال يې پر موټر چاودنه شوې.
اشنا وايي چې په دې چاودنه کې دوه ملکي وګړي وژل شوي او درې نور ټپيان دي.
د نوموړي په وينا، ټپيان روغتون ته لېږدول شوي، خو د هغوى د روغتيايي حالت په اړه يې معلومات نه درلودل.
وسله والو مخالفينو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.










