منځپانګې ته تلل
دوشنبه ۱۶ نومبر ۲۰۲۶ · کابل ۵:۵۵ غ.و
۹° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

د فراه پوهنتون لپاره نوې ودانۍ جوړېږي

· ۳ دقیقې لوستل · ۱۱۷ کتنې

فراه (پژواک، ١٥ وږی۹۴): د لومړي ځل لپاره په فراه کې د پوهنتون لپاره د نوې ودانۍ د جوړولو چارې پيل شوې.

د فراه د پوهنتون د ودانيو د بنسټ ډبرې اېښودلو په مراسمو کې د وږي په ١٥مه، د فراه والي، د ولايتی شورا غړو، محصلينو ، استادانو اونورو خلکو ګډون کړى وو.

د فراه والي محمد اصف ننګ غونډې ته وويل چې په دې ولايت کې تر ټولو مهمه پروژه د پوهنتون ودانۍ ده، چې له دې پروژې سره په دغه ولايت کې د بيارغونې پروسه پيل شوه.

هغه زياته کړه، چې پوهنتون کدرونه روزي او د فراه ولايت د نه پرمختګ لامل همدادى چې دلته کدرونه نشته.

والي هيله څرګنده کړه، چې د فراه پوهنتون  به د دې ولايت د کدرونو اړتيا پوره کړي.

د  فراه ولايت د پوهنتون رييس ديپلوم انجنير رکن الدين مشکاني ددې مراسمو په څنډه کې پژواک خبري اژانس ته وويل چې د فراه د لوړو زده کړې موسسې په ۱۳۹۱ لمريز کال کې په فعاليت پيل کړی خو تر اوسه يې ځانګړې ودانۍ نه درلوده.

هغه زياته کړه، چې د ولايتي چارواکو په غوښتنه او د مرکز په منظورۍ د فراه ولايت  په مرکز کې د ملي اردو لوا ته څېرمه دوه زره جريبه ځمکه د پوهنتون ودانۍ لپاره ځانګړې شوه.

مشکانى وايي چې اوس  ددې موسسې لپاره په دوو پوړونو کې دوه ودانۍ منظورې شوې چې يوه يې اداري او بله يې تدريسي ده.

د هغه په خبره ، پر دې ودانيو څه دپاسه ٤١ ميليونه افغانۍ لګښت راځي چې د ماليې وزارت له خوا ورکول کېږي او په اتلسو مياشتو کې به يې چارې بشپړې شي.

نوموړى وايي، د فراه پوهنتون دوه پوهنځي لري چې يو يې کرنه او بل يې ښوونه او روزنه دي او سږ کال دوه نور پوهنځي شرعيات او  اقتصاد هم ورته منظور شوي دي.

د فراه پوهنتون رييس وايي چې اوس مهال  په  يادو دوو پوهنځيو کې ٦٠٠ محصلين په زده کړو بوخت دي، چې ٤٢ تنه يې نجونې دي.

د نوموړي په وينا، سږ کال د کانکور له لارې ١٤٠٠ نور محصلين دې پوهنتون ته ور پېژندل شوي چې د نوم ليکنې لړۍ يې روانه ده.

ده زياته کړه چې سږ کال به د فراه د عالي دارالمعلمين او کرنې له انسټيټيوت څخه هم ٦٥٠ تنه فارغ  د داخل خدمت په شکل پوهنتون ته جلب کړي.

 د فراه پوهنتون محصل او د بدخشان ولايت اوسېدونکی على احمد  وايي چې د ودانۍ د نشتوالي له امله دوى له ډېرو ستونزو مخامخ و، خو اوس يې دا ستونزه هواره شوه.

هغه له حکومت څخه وغوښتل چې د پوهنتون لپاره ليليه هم ژر تر ژره جوړه کړي.

د يادولو ده چې د فراه پوهنتون اوسمهال ددې ولايت په مرکز کې د ايساف ځواکونو په پخوانۍ اډه کې فعاليت کوي. 

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه