پل علم(پژواک،١٣ليندۍ٩٥): د لوګر د مستوفيت چارواکي وايي چې د تيرکال په پرتله يې د عوايدو کچه شاوخوا شل سلنه لوړه شوې ده.
د لوګر مستوفي محمد يونس صديقي د ليندۍ په١٣مه پژواک خبري اژانس ته وويل چې سږ کال يې د عوايدو کچه لوړه شوې ده.
د هغه د معلوماتو له مخې،تيرکال يې د عوايدو کچه ١٦٠ ميليونه افغانۍ وه، خو سږکال ١٩٠ ميليونو افغانيو ته لوړه شوې ده.
هغه وايي چې په ولسواليو کې د قانون حاکميت او د پوليسو همکاري ددې لامل شوې ترڅو د عوايدو کچه لوړه شي.
ده زياته کړه: (( د ماليي وزارت هم موږ ته سږ کال د ١٦٠ ميليونه افغانيو هدف را کړى و، خو موږ ١٩٠ ميليونه ټول کړي دي.))
د صديقي په وينا، د مالياتو د ورکړې په برخه کې يې د خلکو په مرسته د عامه پوهاوي ځينې پروګرامونه هم ترسره کړي دي.
ده وويل چې دوى د اداري فساد پر وړاندې جدي مبارزه کوي او د عوايدو د را ټولو په برخه کې هيڅ ډول فساد او اختلاس ته اجازه نه ورکوي.
دغه راز د لوګر د والي وياند سليم صالح د صديقي د څرګندونو په تاييد سره وويل چې سږکال په دې ولايت کې د عوايدو کچه لوړه شوې ده.
صالح وويل چې د ولايت مقام د مالياتو را ټولو په برخه کې له مستوفيت سره هر راز مرستې ته چمتو دى.
د پل علم ښار يو تن هټيوال احمد زبير پژواک ته وويل: (( موږ دلته د خپل دوکان ماليه ورکوو، خو وېره لرو چې په دې کې به فساد وشي.))
د هغه په وينا، که اړوند چارواکي يې د فساد په اړه شکونه لرې کړي، نو دې ته چمتو دى چې وخت په وخت خپله ماليه تحويل کړي.
لوګر د پلازمېنې کابل سوېل ته په ٣٥ کيلومترۍ کې پروت ولايت دى خو ځينې سيمې يې نا امنه دي.
غړيYou need to subscribe to view the full article. Please login or register a new account.
