غزني ښار (پژواک، ٤ کب ٩٥): چارواکي وايي چې په غزني کې يوې مېرمنې د زهر په خوړلو سره ځان وژنه کړې ده.
د غزني د امنيې قوماندانۍ وياند فهيم امرخېل د کب په ٤مه پژواک خبري اژانس ته وويل چې پوليسو د دې مېرمنې جسد وړمه ورځ د غزني ښار د قلاتي په سيمه کې موندلی و.
هغه زياته کړه، له څېړنو وروسته معلومه شوه چې يادې مېرمنې د کورني تاوتريخوالي له امله زهر خوړلي او ځان يې وژلی دی.
د امرخېل په وينا، د يادې مېرمنې خاوند نن پوليسو نيولى او تر پلټنو لاندې دى.
د غزني د ښځو چارو رييسه شکريه ولي هم وايي چې يادې مېرمن زهر خوړلي او ځان وژنه یې کړې ده.
د نوموړي د معلوماتو له مخې، د دې مېرمنې خاوند بل واده هم کړى و؛ نو ځکه یادې مېرمنې ځان وژلی دی.
د غزني د ولایتي روغتون نوکريوال ډاکتر نورالله پژواک ته وويل چې وړمه ورځ پوليسو ورته د يوې مېرمنې مړی ور وړی او له معایناتو وروسته معلومه شوې چې په زهرو یې ځان وژنه کړې ده.
غړي
You need to subscribe to view the full article. Please login or register a new account.
