ښرنه (پژواک)- د پکتیکا امنیه قومانداني وایي، د دغه ولایت په مرکز ښرنه کې یې څلور کسان د سرو زرو موندلو په موخه د قبرونو سپړلو پر مهال نیولي دي.
د پکتیکا امنیه قوماندانۍ د خبرپاڼې له مخې، یاد کسان تېره شپه شاوخوا ۹ بجې د ښرنې ښار د لومړۍ امنیتي حوزې اړوند د مسواس په سیمه کې د قبرونو د سپړلو پر مهال نیول شوي دي.
سرچینې زیاته کړې چې له نیول شویو کسانو یو “اډروېټ ماشین”، یو کولنګ، د خاورو پاکولو یوه اله، یو موټر، څلور موبایل ټیلیفونونه او یو شمېر نور اړوند وسایل هم ترلاسه شوي دي.
