منځپانګې ته تلل
سه‌شنبه ۱۷ نومبر ۲۰۲۶ · کابل ۵:۲۹ غ.م
۱° — په ټولو ولایتونو کې هوا
نیمه ورېځ · ↑۱۴° ↓۱°
د هوا کیفیت: منځنی
غړي

غني: پوهنتونونه باید له نوري فایبر سره ونښلول شي

· ۲ دقیقې لوستل · ۸۴ کتنې

کابل (پژواک، ٢ ورى ٩٦): ولسمشر غني پردې باندې د ټينګار ترڅنګ چې پوهنتونونه بايد له نوري فايبر سره ونښلول شي، وويل چې د لوړو زده کړو په برخه کې بايد واضح لیدلوری رامنځته شي.

له ارګ څخه پژواک خبري اژانس ته په رالېږل شوې خبرپاڼه کې راغلي، چې د ولسمشر محمداشرف غني په مشرۍ نن له غرمې مخکې د لوړو زده کړو د کیفیت په اړه غونډه وشوه.

سرچينه کاږي، په پیل کې د لوړو زده کړو وزیرې فریدې مومند د معلوماتي ټکنالوژۍ، د اکاډمیکو چارو د انسجام، د کانکور ازموینو، د تحصیلي بنسټونو د کیفیت لوړولو او اعتبار ورکولو په برخو کې د دې وزارت د تېر کال د علمي لاسته راوړنو او فعالیتونو په اړه راپور ورکړ.

هغې نوري فایبر سره د پوهنتونونو د نښلولو، د ای ټي مرکزونو د ایجاد، د ټکنالوژي وسایلو او شبکې تجهیز، د انټرنټ د ظرفیت زیاتوالي او د معلوماتي سیستم ادارې ایجاد په برخو کې د لوړو زده کړو وزارت لاسته راوړنې یادې کړې.

نوموړې زیاته کړه، د تقنین او موسساتي انکشاف، څېړنې، د تدریسي نصاب، ماسټرۍ زده کړې، د کنټرول سیستم تطبیق، د پوهنتونونو لپاره د عمومي وېبپاڼې انکشاف، د روزنیزو پالیسیو او لایحو نهایي کول او د ۱۳۹۶ لمریز کال لپاره د پلان برابرولو برخه کې يې لاسته راوړنې لرلې.

دې څرګنده کړه، لوړو زده کړو وزارت کوښښ کوي، هغه افراد جذب کړي چې د بودجې په مصرف کې شفافیت او معقولیت تضمین شي.

هغې وویل، د لابراتوار، کتابتون، د استادانو د ظرفیت لوړولو او فساد سره د مبارزې برخو ته توجه شوې ده.

په خبرپاڼه کې د ولسمشر غني له قوله راغلي، چې د هېواد د لوړو زده کړو په برخه کې ښه بنسټ اېښودل شوی او د بشري قوا عالي شورا ایجادېږي چې د مهمو مسایلو په اړه به تصمیم ونیسي.

هغه د لوړو زده کړو وزارت د ځینو پرمختګونو مننه وکړه، ويې ویل، باید د لوړو زده کړو په برخه کې واضح لیدلوری رامنځته شي.

ده زیاته کړه، په روان کال کې له نوري فایبر سره د وصلېدو لپاره مانع نه لیدل کېږي او پوهنتونونه باید نوري فایبر سره وصل شي.

هغه څرګنده کړه، د محصلینو لیلیو ته دې زیاته پاملرنه وشي.

د غني په وينا، هر اقدام چې د لوړو زده کړو د کیفیت لوړولو او زیاتولو لامل شي، حکومت به یې ملاتړ وکړي.

ولسمشر لوړو زده کړو وزارت ته لارښوونه وکړه چې د لوړو زده کړو وضعیت د لا ښه والي لپاره واضح طرحه ترتیب کړي چې په اساس یې ملاتړي اقدامات وشي.

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه