منځپانګې ته تلل
دوشنبه ۱۶ نومبر ۲۰۲۶ · کابل ۴:۳۷ غ.م
۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

کاپیسا کې ۲۰ شکمن وسله وال نیول شوي

· ۱ دقیقه لوستل · ۱۳۳ کتنې

محمودراقي (پژواک، ١٨ غويى ٩٦): د کاپيسا امنيه قومانداني وايي، هغه ٢٠ کسيزه ډله يې نيولې ده چې له سروبي راغلې وه او د کاپيسا له لارې شمالي ولايتونو ته تله.

د کاپيسا د امنيې قوماندانۍ وياند محمد ايوب يوسفزي د غويي په ١٨مه پژواک خبري اژانس ته وويل چې دغه کسان پرون ناوخته په اول کوهستان ولسوالۍ کې د پوليسو له خو نيول شوي دي.

هغه زياته کړه، یادو کسانو غوښتل په يو هېنو موټر کې د سالنګ له لارې شمالي ولايتونو ته ولاړ شي چې د يادې ولسوالۍ د شرکت په سيمه کې  نيول شوي او اوسمهال تر پلټنو لاندې دي.

د يوسفزي په وينا، لومړني معلومات ښيي چې دوی شمال ته د وسله والو له  ليکو  سره د يو ځاى کېدو په موخه تلل، خو په دې اړه به نورې څېړنې هم کېـږي.

د امنيې قوماندانۍ وياند وايي چې ځانګړو ځواکونو تېره شپه د ولايت د مرکز اړوند په شوخي سيمه کې دوه تنه له وسلو او بمونو سره يو ځای نيولي دي.

د يادونې ده، تېر کال هم په پروان او کاپيسا کې نږدې پنځوس تنه  په همدې تور نيول شوي وو، خو تر څېړنو وروسته بېرته خوشي شول.

وسله والو مخالفينو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه